میریو لفظو چلو چھٹی کرو، جاؤ گھریں شبد کوشی پرت جاؤ نعریاں وچ بھاشناں وچ جاں بیاناں وچ رل کے جاؤ کر لؤ لیڈراں دی نوکری جے بہت ہی تنگ ہو تاں ہور پچھے پرت جاؤ فیر مڑ کے چانگراں، چیکاں تے چنگھاڑاں بنو اوہ جو میں اک دن تہانوں آکھیا سی آپاںہر ہنھیری گلی وچ دیویاں دی ڈار وانگوں جگاں گے آپاں راہیاں دے سِراں تے اُڈدِیاں شاخاں دے وانگوں رہاں گے لوریاں وچ جڑاں گے گیت بن کے میلیاں ول تُراں گے دیویاں دی فوج بن کے رات ویلے مُڑاں گے اودوں مینوں کیہ پتہ سی اتھرو دی دھار نالوں تیگ تِکھی ہووے گی اودوں مینوں کیہ پتہ سی کہن والے سُنن والے جان دے جاون توں ڈر دے ایس طراں پتھراؤن گے لفظ بے مطلب جیہے ہو جان گے
