اک وار فیر آؤ تسیں اوہ آکھدے نیں ترس گئے ہاں اسیں تسیں بہت یاد آوندے ہو سر پھرے سورج دی دھپ دے جامنی دنوں جامنی دن جدوں امب دے درختاں نوں امب نہیں ستن لگدے سن جدوں خربوزیاں دے کھیتاں چوں چیرے ہوئے پٹ لبھدے سن تے سورگ نوں رستہ بہت سِدھا سی دشمناں دیاں جائیاں چوں ماس دے پُلاں تھانیں اگ دے پانی وانگ جامنی دن جدوں زنا بالجبروی جہاد داحصہ سی پاپ ہی پُن سی کالی شوکدی اِچھا تے آدرش وچ کوئی دویت نہ سی ساڈے کسے پوتر فرض دے بہانے اک وار فیر آؤ تسیں سِر پھرے سُورج دے جامنی دِنو اسیں تہاڈے بہانے رہائی دے دواں گے آپنے اندر ڈکے ہوئے میلے دریاواں نوں اترِیت پِتراں دیاں پرت آتماواں نوں دبیاں ہوئیاں کالیاں بھاوناواں نوں
