Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> میں چھوہن لگا تینوں

میں چھوہن لگا تینوں

سرجیت پاتر
March 26th, 2008

ہن چھوہن لگا تینوں
بہو چتکار ہویا
اندھیر تڑپ اُٹھے
سو سنکھ ناد وِلکے
گھڑیال کھڑک اُٹھے
چُلھیوں نکل مواتے
ماواں
پتنِیاں
بھیناں
دے سینیاں چ سُلگے
اک نار کھلے کیسی
کُوکی تے دوڑ اُٹھی
اُس دے قہر توں کمبے
کل دیوتیاں دے پتھر
تے مُکٹ راجیاں دے
ست گُرو ہوئے کروپی
تے ہسے میرے چیلے
میں ہتھ اپنا تیریاں تاراں توں دور کیتا
ترباں تُوں دور کیتا
میں ہونٹھ دور کیتے
رادھا نوں موہن والی ایس مدھر بنسری توں
ڈریا میں رُکمنی دی
خاموش وِلکنی توں
اک صاف اُجلا ورقہ
میرے قریب آیا
میرے تے کجھ وی لکھ دے
نیکی بدی دی کردے سجری نشاندہی
قدرت تے سبھیاتا وچ اک ہور عہد نامہ
توں آپنی اِچھا ورگا اُپنشد نواں رچ دے
میرے تے کجھ وی لِکھ دے
توں آپ مُکت ہوجا
تے اِس نوں مُکت کردے
توں آپ نیر ہوویں
تے اِس دے سپنے اندر سلگن سدا مواتے
ایہہ تاں سہی نہیں نہ
اِک صاف اُجلا ورقہ
میرے قریب آیا
تے لِکھنوں ڈر گیا میں



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels