تیرا وی نام رکھاں گے تیری چھاتی تے وی خنجر جاں تغما دھر دیاں گے جین جوگا تاں ہو تیری وی ہتیا کردیاں گے میں بڈھی جادوگرنی بڑے منتر جاندی ہاں میں جیہڑی ہک تے تغما سجایا ہے اوہی ہک گھڑی بن کے رہ گئی ہے میںجس بندے دے گل وچ ہار پایا ہے اوہی بُت بن گیا ہے میں جس نوں اپنا پتر اکھیا ہے اوس نوں اپنی ماں دا نام بھلیا ہے میں جیہڑے ہتھ نوں اپنے ہتھ چ لے کے گھٹیا ہے اوہی ہتھ رُکھ دی ٹہنی ہو گیا ہے تے ہر طرف ہوا وچ ڈولیا ہے میرا ڈھڈ ہسدا ہے: شیشہ جھوٹھ کہندا ہے جادوگرنیاں تاں کدے وی بُڈھیاں نہیں ہوندیاں ہِکاں دی قِسم ہوندی ہے کوئی ہِک صرف تغمے نال ٹھر دی ہے کوئی ہک کوسیاں دُدھاں دے نغمے نال ٹھر دی ہے تے جیہڑی باقی بچدی ہے اُس لئی میریاں ہتھاں چ بس خنجر ہی بچدا ہے توں ایویں مان نہ کر توں ایویں کالھانہ پئے تیری ہک دی قسم وی بجھ لواں گے تے تیرے ہان دی تینوں وی ہونی وردیاں گے جین جوگا تاں ہو تیری وی ہتیا کردیاں گے
