Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> دو رُکھاں دی گفتگو

دو رُکھاں دی گفتگو

سرجیت پاتر
March 26th, 2008

میری سولی بناؤ گے
کہ رباب،جناب
کہ میں ایوں ہی کھڑوتا رہاں ساری عمر
کردا رہاں پتیاں تے
موسماں دا حساب کتاب، جناب
کوئی جواب
مینوں کیہ پتہ۔۔۔۔۔ مینوں کیہ پتہ
میں تاں آپ ہاں تیرے وانگ اِک درخت
توں ایوں کر
اج دی اخبار دیکھ
اخبار وچ کجھ نہیں
جھڑے ہوئے پتے نیں
فیر کوئی کتاب ویکھ
کتاب وچ بیج نیں
تاں فیر سوچ
سوچ وچ ٹُک نیں
دنداں دے نشان نیں
راہیاں دی پیڑ ہے
جاں میریاں نہوندراں
جیہڑیاں میں بچن لئی دھرتی دی ہک وچ کھوبیاں
سوچ۔۔۔۔سوچ۔۔۔۔ہور سوچ
سوچ وی قید ہے
سوچ وچ خوف ہے
لگدا ہے دھرتی دے نال بجھا ہویا ہاں
جاں فیر ٹُٹ جا
ٹُٹ کے کیہ ہوئے گا
رُکھ نہیں تاں راکھ سہی
راکھ نہیں تاں ریت سہی
ریت نہیں تاں بھاف سہی
چنگا فیر چُپ کر
میں کدوں بولداں
ایہہ تاں میرے پتے نیں ہوا وچ ڈولدے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels