Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> ایس عدالت وچ

ایس عدالت وچ

سرجیت پاتر
March 27th, 2008

میں جیہڑے کنول کھلائے سی آپنے تل اُتے
اوہناں دے روپ دی چرچا
تُسیں جو کیتی ہے
میں اس دے واسطے سیتکار پیش کردا ہاں
پر اج کنول تاں نہیں
جس چوں، اُگدے نیں کنول
تہاڈے ساہمنے اوہ غار پیش کردا ہاں
جدوں توں سُرت سنبھالی ہے
میں ایہو تکیا
کہ ایس من چ کوئی سوگ ہے، اُداسی ہے
ہے کوئی کنڈا جوسوچاں چ رڑکدا رہندا
تے میری جان پریشان ہے نِراسی ہے
ہمیش کھوجدا رہناں اُداسیاں دی میں پیڑ
ہر اک وار ایہہ مُکدی ہے میرے من لاگے
میں پچھے پچھے تُراں خون دے قطریاں دے
ایہہ قطرے مُکدے نیں اوسے گُپھا دے وچ جاکے
جس گُپھا چ میرے من دا ہی انھیرا ہے
انیک وار میں پھڑیا ہے ہتھ دوکھی دا
ہر اک وار میں تکیا ایہہ ہتھ میرا ہے
گُپھاں چ پی
أاں نیں
خود غرضی دیاں کھائیاں
گُپھا چ ڈکے پئے
دینت میرے ہومے دے
گُپھا چ خوف ہے
خود توں بچا کے رکھن دا
جے ایہہ نہ ہووے تاں میں دُھپ دے وانگ وچھ جاواں
ہری زمین تے نرمل شنگ تے نربھاو
نہ کوئی ڈر کہ میرے داغ تک لوے گا کوئی
نہ پردہ داری بنے
میری جند جان دا کھاؤ
کتھا وی جس دی نہ ہوکے شنگ لکھ ہووے
اوہ چور چُپ جیا جیون وی کیسا جیون ہے
تے جس دی میلی جیہی گنڈھ کھول وی نہ سکے
اوہ کیسا دل ہے ' کیہی آتما،کیہا من ہے
کدی اوہ وقت وی آوے کہ ایس طراںمیں کہاں
کہ لؤ میں وچھیا ہاں
ایس تھل چ روشنی وانگوں
میں اج اپنے اہم دا پرکاش کردا ہاں
لؤ' ایہہ پیش نے میرے جلے بجھے تارے
میں من نوں کھول کے روشن اکاش کردا ہاں
ہاں ڈونگھا شوکدا دریا
پر ایس عدالت وچ
وگاں میں پیتلا اینا کہ میری ریت دِسے
میں آپنی رات نوں پاواں کھلار کے دُھپے
کجھ ایس طراں کہ میرے سپنیاں دی بھیت دِسے
لُکے ہنھیریو آؤ کہ آپنی کوِتا دے
تہاڈے واسطے دروازے کھولدا ہاں میں
اُداس من دے ہنھیرے چ قیدی بھاواں دی
رہائی واسطے تحہ خانے پھولدا ہاں میں
تے اپنی ہوند دی بیڑی نوں
یاترا دے لئی
اج آپنے نام دی کِلی توں کھولدا ہاں میں


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels