Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> عمر دے سنے ہون گے رستے

عمر دے سنے ہون گے رستے

سرجیت پاتر
March 27th, 2008

عمر دے سنے ہون گے رستے
رشتیاں دا سیال ہووے گا
کوئی کِوتا دی سطر ہووے گی
جے نہ کوئی ہور نال ہووے گا
عمر دی رات ادھیوں بیت گئی
دل دا دروازہ کسے نے کھڑکایا
کون ہونا ہے یار اس ویلے
ایویں تیرا خیال ہووے گا
خوف دل وچ ہے چھا رہیا ایداں
جاپدا اوہ وی شام آوے گی
جد اساں منکراں دیاں تلیاں دے
چراغاں دا تھال ہووے گا
ذرا ذرا جے آتما تے کِرے
نال دی نال ایس نوں سانبھی چل
ورنہ مٹی اُتلویں ہیٹھوں
تیتھوں سِر نہ اُٹھال ہووے گا
سبھ دی چھاں ہے اپنے جوگی
رکھ وی ہوئے بندیاں ورگے
کیہہ پتہ سی کہ لمے سایاں دا
ایہہ دُوپہراں نوں حال ہووے گا
شام ہو سکدی ہے کسے پل وی
مینوں ہر پَل ایہہ یاد رہندا ہے
مینوں تُوں اچن چیت ماریں گا
ایویں تیرا خیال ہووے گا
نہ سہی انقلاب نہ ہی سہی
سبھ غماں دا علاج نہ ہی سہی
پر کوئی حل جناب کوئی جواب
کہ سدا ہی سوال ہووے گا


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels