Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> ڈولی

ڈولی

سرجیت پاتر
March 27th, 2008

اندر جو میرے وین لُکے نیں رہا کرو
لفظو کہارو اج ایہہ ڈولی وِداع کرو
ڈولی چک لؤ کہارو میری
روندیاں نوں رون دیو
ویکھ لئیاں ماواں، نی میں ڈھلن ہار چھاواں
نی میں دیکھ لیا باپُو دا ہِیا
سرو جیہے ویرے دے کھڑیا کھڑوتیاں ہی،
رُت میری کھوہ کے لے گئی چھاں
میریاں ملاحظے داراں
روحاں دیاں دعوے داراں
ٹٹ گئی وچالے تیری میری۔۔۔۔۔
توں وی جدوں بھالدا ایں کندھاں دیاں چھاواں
وے میں پلکاں دی چھاویں کیویں بیٹھ جاں
سینے چ لُکو کے مینوں رکھ لئے گاکداں
وے میں سپیاں تھاویں کوِیں بیٹھ جاں
تیرے نیناں کول رُنی
دیکھ لئی جے میری چُنی
جگ وچ جھل جاؤ ہنیری۔۔۔۔
بیت گئے سمے جدوں کالجے سی سیک پاؤندی
ونجھلی چ وجی تیری پھوک وے
ونجھلی دی کوک نالوں کِتے اُچی اُٹھ گئی
ہونیاں نے دِتی جیہڑی ہوک وے
ونجھلی جے اج وجے
کالجے چ کیہدے لگے
ہو گئی مٹی دی جند ڈھیری۔۔۔۔۔
تیرے نال بیتے دن ہو گئے نیں غیر
پے گئے ویر مینوں جین وی نہ دیندے
چونڈدے نیں ایویں میرے کالجے دا ماس
پچھے بھیج نہ توں یاداں دے پرندے
مِٹی نہ پھرول ایویں
بیتیا نہ ٹول ایویں
تیرے نیناں چ پوے گی راکھ میری۔۔۔۔
روندیاں نوں رون دیو
ڈولی چُک لؤ کہارو میری


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels