Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> پیارا

پیارا

سرجیت پاتر
March 27th, 2008

جنہاں نوں میں کدے کوِتا پڑھاؤندا ساں
کتاباں وچ چھُپے کالے جیہے حرفاں چوں
رنگ کڈھنے سکھاؤندا ساں
تے جیہڑے پیار دی کوِتا کدی سُندے
تاں اک دُوجے نوں تک کے
میتھوں چوری مُسکراؤندے سن
تے کوئی نظم جد تیور بدلدی سی
تاں اوہناں نترے، نِرمل تے لیرے چہریاں اُتے
بدل دے رنگ مینوں دِسدے سن
سرا اسیں کوِتا سمجھدے ہاں
اوہناں لگراں جیہے منڈیاں چوں'
اک دا نام پیارا سی
اوہ سبھ دی اکھ دا تارا سی
میں اس تارے نوں فِراسمان ہوندا ویکھیا سی
میں پیارا جو ان ہوندا ویکھیا سی
اوہ گاؤندا سی
تے کالی پون وچ دیوے جگاؤندا سی
میں اُس دی واج نوں اُٹھدے اُتانہہ سُنیا
تے فِر سُنیا
میں اِک دن کجھ چراں مگروں'
کہ پیارے نُوں کسے نے ماردتا ہے
تے میں ایہہ سوچیا ہی نہ
کہ ایہہ اوہ ہی پیارا ہے
ایہہ کوئی ہور ہووے گا
کوئی خونخوار بدلے خور ہووے گا
کوئی ڈاکو یاں کوئی چور ہووے گا
کہ لگراں نوں کسے کیوں ساڑنا سی
کہ اوہ پیارا کسے کیوں مارنا سی ؟
تے میں ایہہ سوچیا ہی نہ
کہ ایہہ اوہ ہی پیارا ہے
جو گاؤندا سی
تے گالی پون وچ دِیوے جگاؤندا سی
اوہ گاوندا سی
اوہ کالی پون وچ دیوے جگاؤندا سی
ایسے گلوں خفا ہو کے
ہنیرے دے خُداواں نے پیارا مار دِتا سی
تے ہُن جد وی کدے،
لگراں جیہے منڈیاں نوں میں کوِتا پڑھاؤندا ہاں
کتاباں وچ چھپے کالے جیہے حرفاں چوں
رنگ کڈھنے سکھاؤندا ہاں
تاں مینوں جاپدا ہے
ایہناں وچ پیارا وی بیٹھا ہے
تے میں کوِتا پڑھاؤندا تھِڑک جاناں
سوچدا ہاں
کیہہ پڑھاؤندا ہاں
ہنیرے دے خداواں دے بُجھاون واسطے دیوے بناؤندا ہاں
ہنیرے دے خدداواں دا کرم چاری
ہنیرے مندراں دا میں پُجاری
کہ ہر پیارے توں ودھ کے جس نوں اپنی جان پیاری


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels