ٹُٹِیاں کلِیاں دا' میرے سینے وچ ورلاپ موئیاں چڑیاں دا' میرے سِر تے سدا سراپ جے کوئی پیلا پتا کھڑکے مجرم وانگوں سینہ دھڑکے بھِیتر کُنپے پاپ سورج دت در پیشیاں ہوئیاں کِرناں ہتھ کڑیاں بن گئیاں من گیا مجرم آپ مویاں نیں رل کیتا دعوا قبراں چوں اُٹھے بن لاوا پُرکھے ماتا باپ میں نہ پانی کدے پلایا سوجنگل بھانبھڑ بن آیا مچ گئی آپو دھاپ ادھی راتیں نیندر کھُلے اندر کوئی جھکھڑ جھُلے باہر اے چُپ چاپ موئے جاگن جیوندے سُتے عجب سُراں وچ بھوکن کُتے جپدے جم دا جاپ تیری رت دا ٹوپا ٹوپا گِن گِن لیندا آپنا لیکھا روحاں نوں سنتاپ دھرت کنباؤندی عرش گُنجاؤندی ہر پل میرے نیڑے آؤندی گھوڑیاں دی ایہہ ٹاپ چانن وچ نماز نہ ملیا ایس توں وی کوئی راز نہ مِلیا دھرتی وی چُپ چاپ ادھیاں راتاں دی تنہائی بسم اللہ خاں دی شہائی ایہہ اُپدیش ایہہ جاپ پیلے پتیاں نوں کھڑکاؤندی رات دی سُن مُسان چ آؤندی ایہہ قدماں دی چاپ پی لے اک نھیرے دا پیالا توں وی سوں جاہو متوالا بند ہو جاؤ چاپ جا چُک تیغ مخالف ہوجا مجرم نہ بن، منصف ہوجا پُن بنا دے پاپ
