Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> ہُن گھراں نوں پرتنا

ہُن گھراں نوں پرتنا

سرجیت پاتر
March 27th, 2008
5 / 5 (1 Votes)

ہن گھراں نوں پرتنا مشکل بڑا ہے
کون پہچانے گا سانوں
متھے اُتے موت دستخط کر گئی ہے
چہرے اُتے یار پیڑاں چھڈ گئے نیں
شیشے وچوں ہور کوئی جھاکدا ہے
اکھاں وچ کوئی لِشک ہے
کسے ڈھٹھے گھر دی چھت چوں آؤندی ہوئی لو جیہی
ڈر جائے گی میری ماں
میرا پُتر میرے توں وڈی عمر دا
کیہڑے سادھو دے سراپ
کِس شریکن چندری دے ٹُونے ٹامن نال ہویا
ڈر جائے گی میری ماں
ہن گھراں نوں پرتنا چنگا نہیں ہے
اینے ڈُب چکے نیں سورج
اینے مر چکے خدا
جیوندی ماں نوں ویکھ کے
آپنے جاں اوس دے پرت ہون دا ہوئے گا توکھلا
جد کوئی بیلی پرانا ملے گا
بہت یاد آوے گا اپنے اندروں چِراں دا مر چُکیا موہ
رون آوے گا تے فیر آوے گا یاد
اتھرو تاں میرے دُوجے کوٹ دی جیبی چ رکھے رہ گئے
جدوں چاچی ایسری سِر پلُوسے گی اسِیساں نال میرا
کِس طرحاں دساں گا میں
ایس سر وچ کس طراں دے چھُپے ہوئے نیں خیال
آپنی ہی لاش ڈھوندا آدمی
پَتی دے سجرے سِوے تے ماس رنھدی رن
کوئی ہیملٹ دی ماں
سردیاں وچ بندیاں دے سوے سیکن والا رب
جنہاں اکھاں نال ویکھے نیں دُکھانت
کس طراں میلاں گا اکھاں
آپنے بچپن دی میں تصویر نال
آپنے نکے وِیر نال
شام نوں جدوں مڑھی تے دِیوا بلے گا
گُردوارے سنکھ وجے گا
اوہ بہت آوے گا یاد
اوہ کہ جیہڑا مر گیا ہے
اوہ کہ جس دی موت دا ایس بھری نگری چ مینوں پتا ہے
جے کسے نے ہن میرے من دی تلاشی لے لئی
بہت رہ جاواں گا کلا
کسے دشمن دیس دے جاسوس وانگ
ہن گھراں وچ وسنا سوکھا نہیں ہے
متھے اُتے موت دستخط کر گئی ہے
چہرے اُتے یا پیڑاں چھڈ گئے نیں
شیشے وچوں ہور کوئی جھاکدا ہے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels