بی بی رانی نے ککڑ رانی نے ککڑاں نال کھڈا بھر گیا۔ بی بی رانی بک بک آٹا گنھ کے ککڑاں نوں پاندی ، قیمہ کٹ کٹ کھواندی۔ ککڑ تگرے بھلوان بن گئے۔ جدوں ویڑھے وچ آکڑ آکڑ پھردے، ویڑھے نوں رنگ لگ جاندے۔ ہن ککڑاں نے آپو وچ لڑائی چھیڑ دتی۔ اک دوجے نوں ٹھونگے مار مار کے ہولیاں کرن لگ پئے۔ دوجے تیجے دن اک ادھے دی لاش کھڈے وچوں نکلدی۔ اک دن بی بی رانی دے بندے ڈٹھا تے اوس گھر دی نوں بڑا ڈانٹیاتے آکھیا "توں گھر وچ ایہہ کیہ فساد پا چھڈیا اے۔ "بی بی رانی نے آکھیا۔ "اسیں ایہناں نوں آپو وچ لڑناتے نہیں نا سکھایا۔" گھر دے مالک نے آکھیا "ایہناں دی لڑائی تے میں مکادیاں گا۔" اودوں پچھے اوہ اک اک کرکے سو ککڑاں نوں کوہ کے کھاگیا۔ آپ وی راضی ہویاتے بال وی راضی ہوئے تے گھر وچ فساد وی مک گیاتے اوہ رج گیا۔س
