طوطے مینا نے پنچھیاں دے بچیاں نوں پڑھاون لئی سکول کھولیا۔ طوطا اپنی بولی بولے، مینا اپنی بولی بولے۔ پنچھیاں دی بولی کوئی وی نہ بولے۔ پنچھیاں دے بچے بٹ بٹ تکن پر کجھ آکھ نہ سکن۔ سیانے کاں نے سکول دا ملاحظہ کیتا تے آکھیا "طوطا تے مینا پہلاں آپ پنچھیاں دی بولی سکھن مڑپنچھیاں دے بچیاں نال اوہناں دی اپنی بولی وچ گل بات کرن تاں پنچھیاں دے بچے پڑھ جان گے۔ " طوطے تے مینا نے گل من لئی۔ ایہناں پنچھیاں دی بولی سکھ لئی تے مڑ بچیاں نوں پڑھا پڑھا کے ہشیار کردتا۔
