'' ਇੰਡੀਆ ਸੈਂਟਰਕ ਹਾਂ '' : ਜਨਰਲ ਕੀਆਨੀ

ਪਾਕਿਸਤਾਨੀ ਫ਼ੌਜ ਦੇ ਪ੍ਰਧਾਨ ਜਨਰਲ ਇਸ਼ਫਾਕ ਪਰਵੇਜ਼ ਕੀਆਨੀ ਨੇ ਖਲੇ ਲਫ਼ਜ਼ਾਂ ਵਿਚ ਕਹਿਆ ਹੈ ਪਈ ਜਦੋਂ ਤੀਕਰ ਬਿਨ ਅਲਾਕਵਾਮੀ ਬਰਾਦਰੀ ਪਾਕਿਸਤਾਨ ਤੇ ਹਿੰਦੁਸਤਾਨ ਵਿਚ ਝੇੜਾ ਨਹੀਂ ਨਬੇੜ ਦੀ ਉਦੋਂ ਤੀਕਰ ਉਨ੍ਹਾਂ ਦੀਆਂ ਤਿਆਰੀਆਂ ਦਾ ਨਿਸ਼ਾਨਾ ਹਿੰਦੁਸਤਾਨ ਹੀ ਰਹਵੇ ਗਾ।ਇਹ ਗੱਲ ਜਨਰਲ ਕੀਆਨੀ ਨੇ ਜਨਰਲ ਹੀਡਕਵਾਰਟਰਜ਼ ਵਿਚ ਇਸਲਾਮ ਆਬਾਦ ਤੇ ਲਾਹੌਰ ਦੇ ਸਹਾਫ਼ੀਆਂ ਤੇ ਕਾਲਮਸਟਾਂ ਦੇ ਨਾਲ ਇਕ ਮਿਲਣੀ ਵਿਚ ਆਖੀ।

' ਹਾਂ ਮੈਂ ਇੰਡੀਆ ਸੀਨਟਰਕ ਹਾਂ। ਪਰ ਇਹਦੇ ਕੁੱਝ ਕਾਰਨ ਨੇਂ। ਫ਼ੌਜ ਦੀ ਪਾਲਿਸੀ ਉਸ ਵੇਲ਼ੇ ਤੀਕਰ ਇਕ ਰਿਆਸਤੀ ਅਦਾਰੇ ਦੀ ਹੈਸੀਅਤ ਨਾਲ ਬਦਲ ਨਹੀਂ ਸਕਦੀ ਜਦੋਂ ਤੀਕਰ ਕਸ਼ਮੀਰ ਅਤੇ ਪਾਣੀ ਦੇ ਮਸਅਲੇ ਨਹੀਂ ਨਬੇੜੇ ਜਾਂਦੇ '।

ਜਨਰਲ ਕੀਆਨੀ ਦਾ ਕਹਿਣਾ ਸੀ ਪਈ ਹਿੰਦੁਸਤਾਨ ਵੀ ਪਾਕਿਸਤਾਨ ਨੂੰ ਨਜ਼ਰ ਵਿੱਚ ਰੱਖ ਕੇ ਜੰਗੀ ਤਿਆਰੀਆਂ ਕਰਦਾ ਰਿਹਾ ਹੈ ਇਸ ਲਈ ਵੈਰੀ ਦੀਆਂ ਕਰਮਾਂ ਨੂੰ ਨਾ ਕਿ ਉਹਦੇ ਇਰਾਦਿਆਂ ਨੂੰ ਵੇਖਦਿਆਂ ਹੋਈਆਂ ਜਵਾਬ ਵਿੱਚ ਤਿਆਰੀ ਕਰਨਾ ਹੁੰਦੀ ਹੈ। ' ਅਮਰੀਕਾ ਅੱਜ ਕਹਿ ਰਿਹਾ ਹੈ ਪਈ ਹਿੰਦੁਸਤਾਨ ਦੇ ਪਾਕਿਸਤਾਨ ਬਾਰੇ ਚੰਗੇ ਇਰਾਦੇ ਨੇਂ ਪਰ ਕਲ੍ਹ ਜੇ ਉਹ ਬਦਲ ਜਾਂਦੇ ਨੇਂ ਤੇ ਫਿਰ ਅਸੀਂ ਕੀ ਕਰਾਂਗੇ ?'

ਉਨ੍ਹਾਂ ਕਹਿਆ ਗੁਆਂਢੀ ਮੁਲਕ ਹਿੰਦੁਸਤਾਨ ਦਾ ਰਾਖੀ ਬਜਟ ਪਾਕਿਸਤਾਨ ਦੇ ਮੁਕਾਬਲੇ ਵਿਚ ਸਤ ਗੁਣਾ ਬਹੁਤਾ ਹੈ। ਮੈਨੂੰ ਪਤਾ ਹੈ ਪਈ ਇਹ ਫ਼ਰਕ ਅੱਗੇ ਜਾ ਕੇ ਹੋਰ ਵਧੇ ਗਾ ਪਰ ਅਸੀਂ ਇਲਾਕੇ ਵਿਚ ਅਸਲ੍ਹੇ ਦੀ ਦੌੜ ਵਿੱਚ ਨਹੀਂ ਰਲਣਾ ਚਾਹੁੰਦੇ।'

ਇਕ ਬਹੁਤ ਨਵਾਂ ਪੈਂਤਰਾ ' ਕੋਲਡ ਸਟਾਰਟ ' ਦਾ ਦੱਸਦਿਆਂ ਹੋਈਆਂ ਜਨਰਲ ਕੀਆਨੀ ਨੇ ਕਹਿਆ ਇਹਦੇ ਹੇਠ ਹਿੰਦੁਸਤਾਨ ਜੰਗ ਪਹਿਲੋਂ ਛੇੜ ਸਕਦਾ ਹੈ ਤੇ ਫ਼ੌਜ ਨੂੰ ਸਰਹੱਦ ਤੇ ਮਗਰੋਂ ਲਾ ਸਕਦਾ ਹੈ ਇਸੇ ਕਾਰਨ ਅਸੀਂ ਅਪਣੀ ਤਿਆਰੀ ਘਟਾ ਨਹੀਂ ਸਕਦੇ।'

ਜਨਰਲ ਕੀਆਨੀ ਨੇ ਕਹਿਆ ਨਵੇਂ ਅਫ਼ਗ਼ਾਨ ਫ਼ੌਜ ਦੀ ਹਿੰਦੁਸਤਾਨ ਦੇ ਹੱਥੋਂ ਸਿਖਲਾਈ ਬਾਰੇ ਉਹ ਵਿਚਾਰ ਵੀ ਨਹੀਂ ਸਕਦੇ ।ਅਸੀਂ ਲਹਿੰਦੇ ਦੀ ਸਰਹੱਦ ਤੇ ਇਕ ਹਿੰਦੁਸਤਾਨੀ ਵਿਚਾਰ ਵਾਲੀ ਅਫ਼ਗ਼ਾਨ ਫ਼ੌਜ ਨੂੰ ਇਕ ਮੁਸਲਸਲ ਮਸਅਲਾ ਸਮਝਣੇ ਆਂ।'

ਜਨਰਲ ਕੀਆਨੀ ਦੇ ਇਸ ਪਾਲਿਸੀ ਬਿਆਨ ਤੋਂ ਜ਼ਾਹਰ ਹੁੰਦਾ ਹੈ ਪਈ ਪਾਕਿਸਤਾਨੀ ਫ਼ੌਜ ਹਿੰਦੁਸਤਾਨ ਦੇ ਹਵਾਲੇ ਨਾਲ ਅਪਣੀ ਵਿਚਾਰ ਵਿਚ ਛੇਤੀ ਕੋਈ ਬਦਲੀ ਨਹੀਂ ਲਿਆ ਸਕਦੀ ਹੈ। ਫ਼ੌਜੀ ਪ੍ਰਧਾਨ ਦਾ ਕਹਿਣਾ ਹੈ ਪਈ ਦੱਖਣੀ ਏਸ਼ੀਆ ਵਿਚ ਅਮਨ ਨੂੰ ਗ਼ੈਰ ਰਿਆਸਤੀ ਲੋਕਾਂ ਦੇ ਹੱਥੋਂ ਯਰਗ਼ਮਾਲ ਨਹੀਂ ਬਣਨ ਦਿੱਤਾ ਜਾਣਾ ਚਾਹੀਦਾ। ਉਨ੍ਹਾਂ ਨੇ ਦੱਸਿਆ ਪਈ ਅਮਰੀਕੀ ਰਾਖੀ ਦੇ ਵਜ਼ੀਰ ਮਿਸਟਰ ਗੇਟਸ ਦੇ ਨਾਲ ਮਿਲਣੀ ਵਿਚ ਉਨ੍ਹਾਂ ਕਹਿਆ ਸੀ ਪਈ ਉਨ੍ਹਾਂ ਦੇ ਇਸ ਬਿਆਨ ਨਾਲ ਗ਼ੈਰ ਰਿਆਸਤੀ ਅਨਾਸਰ ਨੂੰ ਦੋਹਾਂ ਮੁਲਕਾਂ ਵਿਚ ਜੰਗ ਕਰਾਉਣ ਤੇ ਹਿੰਦੁਸਤਾਨ ਨੂੰ ਜਵਾਬ ਵਿੱਚ ਧਾੜਾ ਕਰਨ ਦੀ ਸਲਾਹ ਦਿੱਤੀ ਹੈ।