ਆਈ.ਐਸ.ਆਈ ਦੇ ਗੁਜ਼ਰੇਲ ਅਫ਼ਸਰ ਖ਼ਾਲਿਦ ਖ਼ੁਆਜਾ ਕਤਲ

ਉਤਰੀ ਵਜ਼ੀਰਸਤਾਨ ਵਿਚ ਪਾਕਿਸਤਾਨੀ ਇੰਟੈਲੀ ਜਿਣਸ ਏਜੰਸੀ ਦੇ ਗੁਜ਼ਰੇਲ ਅਫ਼ਸਰ ਖ਼ਾਲਿਦ ਖ਼ੁਆਜਾ ਨੂੰ ਕਤਲ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਨੂੰ ਕੁੱਝ ਦਿਹਾੜੇ ਪਹਿਲਾਂ ਕਰਨਲ ਇਮਾਮ ਅਤੇ ਇਕ ਸਹਾਫ਼ੀ ਦੇ ਨਾਲ ਅਗ਼ਵਾ ਕਰ ਲਿਆ ਗਿਆ ਸੀ।

ਵਸੀਲਿਆਂ ਮੂਜਬ ਖ਼ਾਲਿਦ ਖ਼ੁਆਜਾ ਦੀ ਲੋਥ ਮੀਰ ਅਲੀ ਦੇ ਨੇੜੇ ਕਰਮ ਕੋਟ ਦੇ ਇਲਾਕੇ ਵਿੱਚੋਂ ਲੱਭੀ ਹੈ ਅਤੇ ਉਹਦੇ ਸਿਰ ਉੱਤੇ ਸੀਨੇ ਤੇ ਗੋਲੀਆਂ ਮਾਰੀਆਂ ਗਈਆਂ ਸਨ। ਲੋਥ ਦੇ ਨਾਲ ਇਕ ਪਮਫ਼ਲਟ ਵੀ ਲੱਭਾ ਹੈ ਜਿਹਦੇ ਵਿੱਚ ਏਸ਼ੀਅਨ ਟਾਈਗਰਜ਼ ਨਾਂ ਦੀ ਸੱਥ ਨੇ ਉਹਦੇ ਕਤਲ ਦੀ ਜ਼ਿੰਮੇ ਵਾਰੀ ਕਬੂਲ ਕੀਤੀ ਹੈ ਅਤੇ ਆਖਿਆ ਹੈ ਪਈ ਖ਼ਾਲਿਦ ਖ਼ੁਆਜਾ ਲਾਲ ਮਸੀਤ ਆਪ੍ਰੇਸ਼ਨ ਵਿਚ ਏਜੰਸੀਆਂ ਦੇ ਬਾਂਹ ਬੇਲੀ ਰਹੇ ਸਨ। ਉਨ੍ਹਾਂ ਤੇ ਅਮਰੀਕੀ ਏਜੰਸੀ ਸੀ.ਆਈ.ਏ ਦਾ ਹੱਥ ਵੰਡਾਉਣ ਦਾ ਇਲਜ਼ਾਮ ਵੀ ਲਾਇਆ ਗਿਆ ਹੈ।

ਕੁੱਝ ਦਿਹਾੜੇ ਪਹਿਲਾਂ ਖ਼ਾਲਿਦ ਖ਼ੁਆਜਾ, ਕਰਨਲ ਇਮਾਮ ਅਤੇ ਇਕ ਸਹਾਫ਼ੀ ਉਸਦ ਕੁਰੈਸ਼ੀ ਦੀ ਇਕ ਵੀਡੀਓ ਫ਼ਿਲਮ ਵੀ ਵਿਖਾਲੀ ਗਈ ਸੀ ਜਿਹਦੇ ਵਿੱਚ ਉਨ੍ਹਾਂ ਨੇ ਆਪਣੇ ਬਾਰੇ ਦੱਸਦਿਆਂ ਹੋਈਆਂ ਅਪਣੀ ਰਿਹਾਈ ਦੀ ਮੰਗ ਕੀਤੀ ਸੀ। ਖ਼ਾਲਿਦ ਖ਼ੁਆਜਾ ਆਈ.ਐਸ.ਆਈ ਦੇ ਗੁਜ਼ਰੇਲ ਅਫ਼ਸਰ ਸਨ ਅਤੇ ਪਿਛਲੇ ਦਿਹਾੜੀਆਂ ਵਿਚ ਇਨਸਾਨੀ ਹੱਕਾਂ ਦੀ ਇਕ ਸੱਥ ਚਲਾ ਰਹੇ ਸਨ।