ਮੁਸ਼ੱਰਫ਼ ਦੇ ਗ਼ੈਰ ਆਈਨੀ ਫ਼ੈਸਲਿਆਂ ਨੂੰ ਕਾਨੂੰਨੀ ਤਹੱਫ਼ੁਜ਼ ਦਿੱਤਾ ਜਾਵੇ, ਸਾਲਸਾਂ ਦਾ ਦਬਾ

ਇਕਤਦਾਰ ਛੱਡ ਜਾਵਣ ਵਾਲੇ ਸਦਰ ਤੇ ਆਮਰਜਨਰਲ ਪਰਵੇਜ਼ ਮੁਸ਼ੱਰਫ਼ ਅਸਲ ਵਿਚ ਸਕੂਨ ਵਿਚ ਹਨ ਤੇ ਉਨ੍ਹਾਂ ਦਾ ਦੇਸ ਨਿਕਾਲੇ ਦਾ ਕੋਈ ਮੂਡ ਨਹੀਂ ਹੈ। ਮੁਸਤਕਬਿਲ ਦੇ ਸਦਰ ਆਸਿਫ਼ ਅਲੀ ਜ਼ਰਦਾਰੀ ਤੇ ਬਿਨ ਅਲਾਕਵਾਮੀ ਜ਼ਾਮਨਾਂ ਵੱਲੋਂ ਬਹੁਤ ਦਬਾ ਹੈ ਜੋ ਉਹ ਪਰਵੇਜ਼ ਮੁਸ਼ੱਰਫ਼ ਨੂੰ ਉਨ੍ਹਾਂ ਦੇ ਤਿੰਨ ਨਵੰਬਰ ਦੋ ਹਜ਼ਾਰ ਸਤ ਦੇ ਗ਼ੈਰ ਆਈਨੀ ਫ਼ੈਸਲਿਆਂ ਤੇ ਆਈਨੀ ਤੂਸੀਕ ਦੇਵਨ।

ਪਾਕਿਸਤਾਨ ਪੀਪਲਜ਼ ਪਾਰਟੀ ਦੇ ਵਸੀਲਿਆਂ ਨੇ ਗੱਲ ਖੁੱਲੀ ਹੈ ਜੋ ਉਹ ਅੰਦਰਲੀਆਂ ਤੇ ਬਾਹਰਲੀਆਂ ਤਾਕਤਾਂ ਜਿਨ੍ਹਾਂ ਨੇ ਅਠਾਰਾਂ ਅਗਸਤ ਨੂੰ ਮੁਸ਼ੱਰਫ਼ ਦੇ ਅਸਤਾਫ਼ੇ ਵਿੱਚ ਮਦਦ ਕੀਤੀ ਸੀ ਹੁਣ ਜ਼ਰਦਾਰੀ ਤੋਂ ਮੰਗ ਕਰ ਰਹੀਆਂ ਹਨ ਜੋ ਉਹ ਪੱਕੀ ਗੱਲ ਕਰਨ ਕਿ ਇਕਤਦਾਰ ਛੱਡਣ ਵਾਲੇ ਆਮਰ ਤੇ ਨਾ ਮੁਕੱਦਮਾ ਚਲੇ ਗਾ ਨਾ ਕਨੁਨੀ ਕਾਰਵਾਈ ਹੋਵੇਗੀ।

ਵਸੀਲਿਆਂ ਮੂਜਬ ਪੀਪਲਜ਼ ਪਾਰਟੀ ਦੇ ਸ਼ਰੀਕ ਚੇਅਰ ਪਰਸਨ ਨੂੰ ਕਹਿਆ ਗਿਆ ਹੇ ਜੋ ਉਹ ਮੁਸ਼ੱਰਫ਼ ਦੇ ਗ਼ੈਰ ਆਈਨੀ ਫ਼ੈਸਲਿਆਂ ਨੂੰ ਆਈਨੀ ਹਮਾਇਤ ਦੇਵਨ ਪਰਜ਼ਰਦਾਰੀ ਵੱਲੋਂ ਪਤਾ ਲੱਗਿਆ ਹੈ ਉਨ੍ਹਾਂ ਨੇ ਇਵਾਨ ਸਦਰ ਵਿਚ ਵੜਨ ਤੋਂ ਮਗਰੋਂ ਇਹ ਆਈਨੀ ਹਮਾਇਤ ਦਿਵਾਉਣ ਦਾ ਵਾਅਦਾ ਕੀਤਾ ਹੈ। ਪੀ ਪੀ ਵਸੀਲਿਆਂ ਦਾ ਕਹਿਣਾ ਹੈ ' ਅਸੀਂ ਬੱਝ ਗਏ ਹਾਂ'' ਉਨ੍ਹਾਂ ਨੇ ਹੋਰ ਦੱਸਿਆ ਜੋ ਵਾਸ਼ਿੰਗਟਨ ਤੇ ਲੰਦਨ ਵਰਗੇ ਆਲਮੀ ਜ਼ਾਮਨਾਂ ਨੇ ਮੁਸਤਕਬਿਲ ਦੀ ਮਾਲੀ ਇਮਦਾਦ ਨੂੰ ਪਰਵੇਜ਼ ਮੁਸ਼ੱਰਫ਼ ਲਈ ਆਈਨੀ ਤੂਸੀਕ ਨਾਲ ਜੋੜ ਦਿੱਤਾ ਹੈ। ਮੁਸ਼ੱਰਫ਼ ਦੇ ਫ਼ੈਸਲਿਆਂ ਦੀ ਹਮਾਇਤ ਏਨਾ ਡੂੰਘਾ ਮੁਆਮਲਾ ਹੈ ਜੋ ਸ਼ਰੀਕ ਚੇਅਰਮੈਨ ਇਹਨੂੰ ਅੱਖੋਂ ਪਰੋਖੇ ਨਹੀਂ ਕਰਸਕਦੇ।ਵਸੀਲਿਆਂ ਮੰਨਿਆ ਜੋ ਮੁਸ਼ੱਰਫ਼ ਪਾਕਿਸਤਾਨ ਵਿੱਚ ਰਹਿਣਗੇ।

ਵਸੀਲਿਆਂ ਨੇ ਕਹਿਆ ਜਿਨ੍ਹਾਂ ਲੋਕਾਂ ਨੇ ਪਰਵੇਜ਼ ਮੁਸ਼ੱਰਫ਼ ਨੂੰ ਸਦਾਰਤ ਦੇ ਅਹੁਦੇ ਤੋਂ ਇਸਤੀਫ਼ਾ ਦਿਵਾਉਣ ਲਈ ਮੁਦਾਖ਼ਲਤ ਕੀਤੀ ਉਨ੍ਹਾਂ ਨੂੰ ਖੁੱਲੀ ਰਜ਼ਾ ਮੰਦੀ ਦਿੱਤੀ ਗਈ ਸੀ ਜੋ ਪਰਵੇਜ਼ ਮੁਸ਼ੱਰਫ਼ ਨੂੰ ਕਨੁਨੀ ਕਾਰਵਾਈ ਯਾਂ ਮੁਕੱਦਮਾ ਬਾਜ਼ੀ ਤੋਂ ਬਚਾਇਆ ਜਾਵੇ ਗਾ।ਵਸੀਲਿਆਂ ਨੇ ਖ਼ਬਰਦਾਰ ਕੀਤਾ ਹੈ ਜੋ ਬਿਨ ਅਲਾਕਵਾਮੀ ਜ਼ਾਮਨ ਇਸ ਬਾਰੇ ਕੋਈ ਲਾਰਾ ਲੱਪਾ ਕਬੂਲ ਨਹੀਂ ਕਰਨਗੇ। ਖ਼ੋਰੇ ਇਸੇ ਕਾਰਨ ਇਕਤਦਾਰ ਤੋਂ ਬੇ ਦਖ਼ਲ ਹੋਵਣ ਵਾਲੇ ਆਮਰ ਬਾਰੇ ਇਤਲਾਵਾਂ ਮਿਲ ਰਹੀਆਂ ਹਨ ਜੋ ਉਹ ਵਾਕਈ ਸਕੂਨ ਵਿਚ ਹਨ ਤੇ ਹਰ ਪ੍ਰੇਸ਼ਾਨੀ ਤੋਂ ਆਜ਼ਾਦ ਹਨ।

ਮਹਸਨ ਹਫ਼ੀਜ਼( ਜਿਹੜੇ ਕਿ ਇਕਤਦਾਰ ਤੋਂ ਵਖ ਹੋਵਣ ਵਾਲੇ ਸਦਰ ਦੇ ਸੈਕਟਰੀ ਦੇ ਤੌਰ ਤੇ ਕੰਮ ਕਰਦੇ ਸੌਣ) ਦਾ ਕਹਿਣਾ ਹੈ ਜੋ ਪਰਵੇਜ਼ ਮੁਸ਼ੱਰਫ਼ ਦਾ ਪਾਕਿਸਤਾਨ ਛੱਡਣ ਦਾ ਕੋਈ ਇਰਾਦਾ ਨਹੀਂ ਹੈ। ਪਰਵੇਜ਼ ਮੁਸ਼ੱਰਫ਼ ਦੇ ਹਵਾਲੇ ਨਾਲ ਦੱਸਿਆ ਜਾਂਦਾ ਹੇ ਜੋ ਉਹ ਕਹਿੰਦੇ ਰਹੇ ਹਨ ' ਮੈਂ ਇੰਜ ਕਿਉਂ ਕਰਾਂ ਜਦੋਂ ਮੈਂ ਕੋਈ ਗ਼ਲਤ ਯਾਂ ਗ਼ੈਰ ਆਈਨੀ ਕੰਮ ਨਹੀਂ ਕੀਤਾ'।

ਪੀ ਪੀ ਪੀ ਪਰਵੇਜ਼ ਮੁਸ਼ੱਰਫ਼ ਨੂੰ ਆਈਨੀ ਹਮਾਇਤ ਦੇਵਨ ਲਈ ਮੁਜ਼ਾਕਰਾਤ ਵੀ ਕਰਦੀ ਰਹੀ ਹੈ। ਪਰ ਇਸ ਸਿਲਸਿਲੇ ਵਿਚ ਨਵਾਜ਼ ਲੀਗ ਵੱਲੋਂ ਇੰਜ ਦੇ ਕਿਸੇ ਵੀ ਫ਼ੈਸਲੇ ਦਾ ਹਿੱਸਾ ਬਣਨ ਤੋਂ ਇਨਕਾਰ ਦੇ ਮਗਰੋਂ ਕੋਈ ਅਖ਼ੀਰੀ ਫ਼ੈਸਲਾ ਕਰਨਾ ਔਖਾ ਹੈ। ਹਾਲੀਂ ਅਸਫ਼ਨਦ ਯਾਰ ਵਲੀ ਤੇ ਜੇ ਯੂ ਆਈ ਦੇ ਮੌਲਾਨਾ ਫ਼ਜ਼ਲ ਅਲਰਹਮਨ ਨੇ ਆਪਣੇ ਜਮਹੂਰੀ ਕਵਾਇਫ਼ ਨੂੰ ਦਾਅ ਤੇ ਲਾਵਨਦੀਆਂ ਹੋਈਆਂ ਕਹਿਆ ਉਹ ਮੁਸ਼ੱਰਫ਼ ਦੀ ਆਈਨੀ ਤੂਸੀਕ ਲਈ ਪੀਪਲਜ਼ ਪਾਰਟੀ ਦੀ ਹਮਾਇਤ ਲਈ ਤਿਆਰ ਹਨ।

ਪੀਪਲਜ਼ ਪਾਰਟੀ ਦੇ ਬੁਲਾਰੇ ਫ਼ਰਹਤ ਅੱਲ੍ਹਾ ਬਾਬਰ ਨਾਲ ਜਦੋਂ ਇਸ ਸਿਲਸਿਲੇ ਵਿਚ ਰਾਬਤਾ ਕੀਤਾ ਗਿਆ ਤੇ ਉਨ੍ਹਾਂ ਕਹਿਆ ਉਹ ਇਸ ਸਿਲਸਿਲੇ ਵਿਚ ਮੁਕਾਮੀ ਯਾਂ ਗ਼ੈਰ ਮੁਲਕੀ ਜ਼ਾਮਨਾਂ ਨਾਲ ਜ਼ਰਦਾਰੀ ਦੇ ਵਾਦੀਆਂ ਤੋਂ ਜਾਣੂੰ ਨਹੀਂ ਹਨ ਤੇ ਨਾ ਹੀ ਉਨ੍ਹਾਂ ਨੂੰ ਇਸ ਸਿਲਸਿਲੇ ਵਿਚ ਕਿਸੇ ਦਬਾ ਦੀ ਜਾਣਕਾਰੀ ਹੈ। ਉਨ੍ਹਾਂ ਕਹਿਆ ਪਰਵੇਜ਼ ਮੁਸ਼ੱਰਫ਼ ਦੀ ਕਿਸਮਤ ਦਾ ਫ਼ੈਸਲਾ ਪਾਰਲੀਮੈਂਟ ਕਰੇਗੀ।

ਉਨ੍ਹਾਂ ਕਹਿਆ ਇਤਹਾਦੀ ਪਾਰਟੀਆਂ ਮੂਜਬ ਗ਼ੈਰ ਰਸਮੀ ਗੱਲ ਬਾਤ ਜਾਰੀ ਹੈ ਤੇ ਉਹ ਆਈਨੀ ਤੂਸੀਕ ਦੇ ਮਾਮਲੇ ਤੇ ਰਾਜ਼ੀ ਹੋ ਸਕਦੇ ਹਨ। ਪਰ ਉਨ੍ਹਾਂ ਦਾ ਕਹਿਣਾ ਸੀ ਜੋ ਇਸ ਬਾਰੇ ਫ਼ੈਸਲੇ ਲਈ ਪਾਰਲੀਮੈਂਟ ਹੀ ਠੀਕ ਫ਼ੋਰਮ ਹੋਵੇ ਗਾ। ਉਨ੍ਹਾਂ ਇਹ ਵੀ ਮੰਨਿਆ ਜੋ ਵਜ਼ੀਰ ਆਜ਼ਮ ਮੁਸ਼ੱਰਫ਼ ਨੂੰ ਮੁਆਫ਼ੀ ਦੇਵਨ ਦੀ ਗੱਲ ਕਰ ਚੁੱਕੇ ਹਨ। ਫ਼ਰਹਤ ਅੱਲ੍ਹਾ ਬਾਬਰ ਨੇ ਕਹਿਆ ਇਸ ਮਾਮਲੇ ਤੇ ਜਮਾਅਤਾਂ ਦੇ ਘਰੋਕੀ ਤੇ ਆਪੋ ਵਿਚ ਦੀ ਪੱਧਰ ਤੇ ਪਾੜ ਹਨ ਕਿ ਆਈਨ ਦੀ ਸ਼ੱਕ ਛੇ ਹੇਠ ਮੁਸ਼ੱਰਫ਼ ਤੇ ਮੁਕੱਦਮਾ ਚਲਾਇਆ ਜਾਵੇ ਯਾਂ ਨਹੀਂ ਕੁੱਝ ਲੋਕਾਂ ਦਾ ਇਹ ਵੀ ਖ਼ਿਆਲ ਹੈ ਜੋ ਹੁਣ ਅੱਗੇ ਵਧਣਾ ਚਾਹੀਦਾ ਹੈ ਕਿਉਂ ਜੋ ਆਮਰ ਨੂੰ ਆਪਣੇ ਕੀਤੇ ਦੀ ਸਜ਼ਾ ਤੇ ਅਪਣੀ ਮੁਦਤ ਸਦਾਰਤ ਤੋਂ ਪਹਿਲੋਂ ਇਕਤਦਾਰ ਛੱਡ ਕੇ ਘਰ ਜਾਵਣ ਦੀ ਸੂਰਤ ਵਿਚ ਮਿਲ ਹੀ ਚੁਕੀ ਹੈ।