ਭਲਕ ਬਾਰੇ ਕੁੱਝ ਚੰਗੇ ਸਾਇੰਸੀ ਟੇਵੇ

ਪਿਛਲੇ ਹਫ਼ਤੇ ਅਮਰੀਕਾ ਦੇ ਸ਼ਹਿਰ ਨਿਊਯਾਰਕ ਵਿੱਚ ਇੱਕ ਸਾਇੰਸੀ ਮੇਲਾ ਲਾਇਆ ਗਿਆ ਜਿਹਦੇ ਵਿੱਚ ਸਾਇੰਸ ਤੇ ਬੰਦਿਆਂ ਬਾਰੇ ਰੰਗ ਬਰੰਗੇ ਟੇਵੇ ਲਾਏ ਗਏ ਤੇ ਇਹੋ ਜਿਹੀਆਂ ਈਜਾਦਾਂ ਦੇ ਮਨਸੂਬੇ ਪੇਸ਼ ਕੀਤੇ ਗਏ ਜਿਹਨਾਂ ਦੇ ਬੰਦੇ ਦੀ ਹਯਾਤੀ ਤੇ ਬੜੇ ਡੂੰਘੇ ਅਸਰ ਹੂਓਨਗੇ।  ਇਹੋ ਜਿਹੀਆਂ ਕੁੱਝ ਈਜਾਦਾਂ ਦੇ ਨਮੂਨੇ ਹੇਠਾਂ ਦਿੱਤੇ ਜਾ ਰਹੇ ਹਨ।

ਕੀ ਤੁਸੀਂ ਬਹੁਤ ਮੋਟੇ ਓ ਤੇ ਭਾਰ ਘਟਾਉਣਾ ਚਾਹੁੰਦੇ ਹੋ? ਕੀ ਤੁਸੀਂ ਭਾਰ ਘਟਾਉਣ ਦਾ ਹਰ ਹੀਲਾ ਵਰਤ ਕੇ ਵੇਖ ਲਿਆ ਏ ਤੇ ਭਾਰ ਨਹੀਂ ਘਟੀਆ? ਫ਼ਿਕਰ ਨਾ ਕਰੋ, ਦਸ ਵਰ੍ਹਿਆਂ ਦੇ ਵਿੱਚ ਵਿਚ ਇਕ ਇਹੋ ਜਿਹੀ ਦਵਾ ਬਣ ਜਾਵੇਗੀ  ਜਿਹਨੂੰ ਵਰਤ ਕੇ ਤੁਸੀਂ ਜੋ ਮਰਜ਼ੀ ਖਾਂਦੇ ਰਹਿਣਾ ਤੁਹਾਡਾ ਭਾਰ ਨਹੀਂ ਵਧੇ ਗਾ।

ਕੀ ਗਰੀਨ ਹਾਊਸ ਗੈਸਾਂ ਦੇ ਵਧਦੇ ਅਖ਼ਰਾਜ ਨਾਲ ਦੁਨੀਆ ਵਿੱਚ ਵਧਦੀ ਹੋਈ ਗਰਮੀ ਪਾਰੋਂ ਤੁਹਾਡੀਆਂ ਰਾਤਾਂ ਦੀਆਂ ਨੀਨਦਰਾਂ ਉਡ ਗਈਆਂ ਨੇਂ? ਤੁਹਾਡੇ ਲਈ ਚੰਗੀ ਖ਼ਬਰ ਏ ਕਿ 20ਵਰ੍ਹਿਆਂ ਦੇ ਵਿੱਚ ਵਿੱਚ ਸੂਰਜ ਦੀ ਤਵਾਨਾਈ ਦੇ ਖੇਤਰ ਵਿਚ ਏਨੀ ਤਰੱਕੀ ਹੋ ਜਾਵੇਗੀ  ਕਿ ਇਹਦੇ ਨਾਲ ਦੁਨੀਆ ਦੀ ਤਵਾਨਾਈ ਦੀਆਂ ਸਾਰੀਆਂ ਲੋੜਾਂ ਪੂਰੀਆਂ ਹੋ ਸਕਣ ਗਿਆਂ।

ਇਸੇ ਈ ਮੇਲੇ ਵਿਚ ਰਲਤੀ ਇਕ ਸਾਇੰਸਦਾਨ ਡਾਕਟਰ ਕਰਜ਼ਵਾਇਲ ਨੇ ਇਕ ਹੋਰ ਚੰਗਾ ਟੇਵਾ ਲਾਇਆ ਹੈ। ਉਨ੍ਹਾਂ ਆਖਿਆ ਕਿ ਅਗਲੇ ਪੰਦਰਾਂ ਵਰ੍ਹਿਆਂ ਵਿਚ ਤਬੀ ਸਾਇੰਸ ਏਨੀ ਅੱਗੇ ਵਧ ਜਾਵੇਗੀ  ਕਿ ਬੰਦੇ ਦੀ ਉਮਰ ਵਿਚ ਬੜੀ ਛੇਤੀ ਵਾਧਾ ਹੋਣਾ ਸ਼ੁਰੂ ਹੋ ਜਾਵੇ ਗਾ। ਇੱਕੀਵੀਂ ਸਦੀ ਦੇ ਅੱਧ ਤੀਕਰ ਪੁਜਦਿਆਂ ਬੰਦਾ ਤੇ ਕਮਪੋਟਰ ਇਕ ਮਿਕ ਹੋ ਜਾਵਣਗੇ  ਤੇ ਮਰਨ ਦਾ ਤਸੱਵਰ ਵੀ ਫ਼ਨਾ ਹੋ ਜਾਵੇ ਗਾ। ਡਾਕਟਰ ਦੀ ਇਹ ਗੱਲ ਮੰਨਣ ਨੂੰ ਜੀ ਤੇ ਨਹੀਂ ਕਰਦਾ ਪਰ ਲੋਕ ਇਹ ਵੀ ਮੰਨਦੇ ਹਨ ਕਿ ਉਹ ਐਂਵੇਂ ਨਹੀਂ ਛੱਡਦਾ ਤੇ ਉਹਦੀ ਕਾਹਡ ਦੇ ਪੱਕੇ ਸਾਇੰਸੀ ਸਬੂਤ ਹੁੰਦੇ ਹਨ।

ਮਿਸਾਲ ਦੇ ਤੌਰ ਤੇ ਉਨ੍ਹਾਂ ਨੇ 1990 ਵਿੱਚ ਆਖਿਆ ਸੀ ਕਿ 1998 ਦੇ ਆਉਂਦੀਆਂ ਆਉਂਦੀਆਂ ਕੰਪਿਊਟਰ ਸ਼ਤਰੰਜ ਦੇ ਖੇਡ ਵਿਚ ਇਹਦੇ ਆਲਮੀ ਚੀਮਪੀਅਨ ਨੂੰ ਹਰਾ ਦੇਵੇ ਗਾ ਤੇ 1998 ਤੋਂ ਇਕ ਸਾਲ ਪਹਿਲੋਂ ਈ ਆਈ ਬੀ ਐਮ ਦੇ ਬਣਾਏ ਕੰਪਿਊਟਰ ਨੇ ਸ਼ਤਰੰਜ ਦੇ ਆਲਮੀ ਚੀਮਪੀਅਨ ਗਿਰੀ ਕਾਸਪਾਰੋਫ਼ ਨੂੰ ਹਰਾ ਦਿੱਤਾ ਸੀ।

ਡਾਕਟਰ ਕਰਜ਼ਵਾਇਲ ਦਾ ਦਾਅਵਾ ਹੈ ਕਿ ਅੱਜ ਦੇ ਦੌਰ ਵਿੱਚ ਬੀਆਲੋਜੀ, ਤਿੱਬ, ਤਵਾਨਾਈ ਤੇ ਦੂਜੇ ਸ਼ੋਅਬਿਆਂ ਵਿਚ ਅਨਫ਼ਾਰਮੀਸ਼ਨ ਟੈਕਨਾਲੋਜੀ ਪਾਰੋਂ ਇਨਕਲਾਬ ਆ ਰਿਹਾ ਹੈ। ਉਨ੍ਹਾਂ ਦਾ ਆਖਣਾ ਹੈ ਕਿ 2020ਈ. ਤੀਕਰ ਇਸ ਤਰੱਕੀ ਪਾਰੋਂ ਬੰਦਾ ਏਨੀ ਜੋਗਾ ਹੋ ਜਾਵੇ ਗਾ ਕਿ ਉਹ ਬੰਦੇ ਦੇ ਦਿਮਾਗ਼ ਵਿੱਚ ਕੰਪਿਊਟਰ ਚੁੱਪ ਵਾੜ ਸਕੇ ਗਾ ਤੇ ਇਹੋ ਜਿਹੇ ਕੰਪਿਊਟਰ ਬਣਾ ਸਕੇ ਗਾ ਜਿਹੜੇ ਬੰਦੇ ਜਿਨੇ ਜ਼ਹੀਨ ਹੂਓਨਗੇ। 

ਪਰ ਇਸੇ ਹੀ ਮੇਲੇ ਵਿਚ ਰਲਤੀ ਇਕ ਨੀਵਰੋਸਾਇਨਸਦਾਨ ਡਾਕਟਰ ਰਾਮ ਚੰਦਨ ਨੇ ਇਸ ਗੱਲ ਨੂੰ ਨਹੀਂ ਮੰਨਿਆ। ਉਨ੍ਹਾਂ ਵਿਚਾਰ ਵਟਾਂਦਰਾ ਕਰਦਿਆਂ ਆਖਿਆ ਕਿ ਹੋ ਸਕਦਾ ਏ ਕਿ ਬੰਦਾ ਇਕ ਜ਼ਹੀਨ ਤੇ ਸੋਚਣ ਵਾਲਾ ਕੰਪਿਊਟਰ ਬਣਾ ਲਵੇ ਪਰ ਇਹ ਨਹੀਂ ਹੋ ਸਕਦਾ ਕਿ ਉਹ ਬੰਦੇ ਦੇ ਦਿਮਾਗ਼ ਵਿੱਚ ਚੁੱਪ ਵਾੜ ਜੇ ਉਹਨੂੰ ਵਧੀਆ ਕਰ ਲਵੇ ਕਿਉਂ ਜੇ ਬੰਦੇ ਦਾ ਦਿਮਾਗ਼ ਕਰੋੜਾਂ ਵਰ੍ਹਿਆਂ ਵਿਚ ਤਰੱਕੀ ਕਰਦਾ ਇਸ ਥਾਹਰ ਤੇ ਪੂਜਾ ਹੈ ਤੇ ਇਹਦੇ ਸਰਕਟ ਬੜੇ ਬੇ ਤਰਤੀਬ ਤੇ ਮਨ ਮੌਜੀ ਹੁੰਦੇ ਹਨ।

ਕਈ ਦੂਜੇ ਸਾਇੰਸਦਾਨਾਂ ਦਾ ਵਿਚਾਰ ਹੈ ਕਿ ਬੰਦੇ ਵਰਗਾ ਜ਼ਹੀਨ ਕੰਪਿਊਟਰ ਬਣਾਇਆ ਤੇ ਜਾ ਸਕਦਾ ਏ ਪਰ ਇਹਦੇ ਤੇ ਹਾਲੇ ਬਹੁਤ ਵੇਲਾ ਲੱਗੇ ਗਾ। ਸਾਰੀ ਨਿਖੇਦੀ ਮਗਰੋਂ ਵੀ ਡਾਕਟਰ ਕਰਜ਼ਵਾਈਲ ਆਪਣੇ ਇਸ ਟੇਵੇ ਤੇ ਏਨੇ ਪੱਕੇ ਹਨ ਕਿ ਉਨ੍ਹਾਂ ਨੇ 10000 ਡਾਲਰ ਦੀ ਸ਼ਰਤ ਲਾਈ ਹੈ ਕਿ 2029 ਤੀਕਰ ਇਹੋ ਜਹਿਆ ਕੰਪਿਊਟਰ ਬਣ ਜਾਵੇ ਗਾ ਜਿਹਦੇ ਨਾਲ ਕੰਪਿਊਟਰ ਬੰਦੇ ਨਾਲ ਏਨੀ ਜ਼ਹਾਨਤ ਨਾਲ ਗੱਲ ਕਰੇ ਕਿ ਇਹ ਪਤਾ ਨਾ ਲੱਗੇ ਕਿ ਬੰਦਾ ਗੱਲ ਕਰ ਰਿਹਾ ਹੈ ਯਾਂ ਮਸ਼ੀਨ।

ਵਾਈਸ ਆਫ਼ ਅਮਰੀਕਾ ਦੇ ਸ਼ਕਰੀਏ ਨਾਲ