ਘਰੋਕੀ ਮਾਰਾ ਮਾਰੀ ਦੀਆਂ ਵਾਪਰੀਆਂ ਵਿਚ ਵਾਧਾ

ਕਈ ਵਾਰ ਸੋਚਿਆ ਕਿ ਆਪ ਹੱਤਿਆ ਕਰ ਲਵਾਂ ਪਰ ਆਪਣੇ ਨਿੱਕੇ ਨਿੱਕੇ ਨਿਆਣਿਆਂ ਨੂੰ ਵੇਖ ਕੇ ਖ਼ਿਆਲ ਆਉਂਦਾ ਜੋ ਮੇਰੇ ਮਗਰੋਂ ਉਨ੍ਹਾਂ ਨੂੰ ਕੌਣ ਸਾਂਭੇ ਗਾ। ਇਹ ਲਫ਼ਤ ਮਰੀ ਦੀ ਵਸਨੀਕ ਰੁਬੀਨਾ ਬੀ ਬੀ ਦੇ ਸੀ ਜਿਹੜੀ ਖਸਮ ਦੀ ਨਿੱਤ ਦੀ ਮਾਰਾ ਮਾਰ ਤੋਂ ਅੱਕ ਕੇ ਘਰ ਬਾਰ ਛੱਡ ਕੇ ਤਿਨਾਂ ਨਿਆਣਿਆਂ ਦੇ ਨਾਲ ਇਸਲਾਮ ਆਬਾਦ ਦੇ ਇਕ ਗ਼ੈਰ ਸਰਕਾਰੀ ਫ਼ਲਾਹੀ ਅਦਾਰੇ ਇਧੀ ਹੋਮ ਵਿਚ ਹਯਾਤੀ ਲੰਘਾ ਰਹੀ ਹੈ।

ਮੰਗਲ ਨੂੰ ਦੁਨੀਆ ਵਿੱਚ ਜ਼ਨਾਨੀਆਂ ਤੇ ਹੋਵਣ ਵਾਲੇ ਮਾਰਾ ਮਾਰ ਦੇ ਮੁਕਾ ਲਈ ਆਲਮੀ ਦਿਹਾੜ ਮਨਾਇਆ ਗਿਆ। ਪਰ ਪਾਕਿਸਤਾਨ ਦੇ ਦਾਰਲਹਕੋਮਤ ਇਸਲਾਮ ਆਬਾਦ ਦੇ ਇਕ ਫ਼ਲਾਹੀ ਅਦਾਰੇ ਵਿਚ ਪਨਾਹ ਲੈਣ ਵਾਲੀ ਰੁਬੀਨਾ ਬੀ ਬੀ ਨੂੰ ਘਰੇਲੂ ਮਾਰਾ ਮਾਰ ਤੋਂ ਛੁਟਕਾਰਾ ਫ਼ਲਾਹੀ ਅਦਾਰੇ ਵਿਚ ਆਕੇ ਹੀ ਮਿਲਿਆ ਹੈ।ਰੁਬੀਨਾ ਨੇ ਦੱਸਿਆ ਕਿ ਵਿਆਹ ਨੂੰ ਘੱਟੋ ਘੱਟ ਸਤਾਰਾਂ ਸਾਲ ਹੋ ਗਏ ਨੇਂ ਪਰ ਇਕ ਦਿਨ ਵੀ ਸਕੂਨ ਦਾ ਨਹੀਂ ਮਿਲਿਆ। ਖਸਮ ਨਿੱਤ ਕਿਸੇ ਨਾ ਕਿਸੇ ਪੁੱਜ ਮਾਰ ਦਾ ਸੀ ਪਰ ਕੋਈ ਰੋਕਣ ਵਾਲਾ ਨਹੀਂ ਸੀ।

ਉਨ੍ਹਾਂ ਨੇ ਦੱਸਿਆ ਕਿ ਖਸਮ ਦੇ ਮਾਰਾ ਮਾਰ ਦੇ ਕਾਰਨ ਕਈ ਵਾਰ ਮਾਪਿਆਂ ਦੇ ਘਰ ਗਈ ਪਰ ਉਨ੍ਹਾਂ ਨੇ ਵੀ ਕਹਿ ਦਿੱਤਾ ਕਿ ਮਹਿੰਗਾਈ ਤੇ ਗ਼ੁਰਬਤ ਦੇ ਕਾਰਨ ਉਹ ਨਿਆਣਿਆਂ ਸਣੇ ਉਹਨਾਂਨੋਂ ਨਹੀਂ ਰੱਖ ਸਕਦੇ। ਉਨ੍ਹਾਂ ਦੱਸਿਆ ਕਿ ਨਿਆਣਿਆਂ ਵਿਚ ਧੀ ਤੇਰਾਂ ਸਾਲ ਦੀ ਹੈ ਤੇ ਪੱਤਰ ਹਾਲੀਂ ਬਹੁਤ ਨਿੱਕੇ ਨੇਂ ਜਿਹਦੇ ਕਾਰਨ ਉਹ ਪ੍ਰੇਸ਼ਾਨ ਨੇਂ ਕਿ ਨਿਆਣਿਆਂ ਦੀ ਹਯਾਤੀ ਕਿਵੇਂ ਲਨਘੇਗੀ। 

ਉਨ੍ਹਾਂ ਨੇ ਦੱਸਿਆ ਕਿ ਇਧੀ ਹੋਮ ਵਿਚ ਪਨਾਹ ਲਏ ਹੋਏ ਇਕ ਮਹੀਨੇ ਤੋਂ ਵੱਧ ਹੋ ਗਿਆ ਹੈ ਇਥੇ ਕਦੋਂ ਤੀਕਰ ਰਿਹਾ ਜਾਸਕਦਾ ਹੈ ਜੇ ਬਾਹਰ ਜਾ ਕੇ ਕੋਈ ਮਿਹਨਤ ਮਜ਼ਦੂਰੀ ਕਰਨੀ ਆਂ ਤੇ ਇਸ ਮਹਿੰਗਾਈ ਦੇ ਦੌਰ ਵਿੱਚ ਰਿਹਾਇਸ਼ ਕੀਹ ਨਿਆਣਿਆਂ ਦਾ ਢਿੱਡ ਭਰਨਾ ਔਖਾ ਹੋ ਚੁੱਕਿਆ ਹੈ।ਰੁਬੀਨਾ ਬੀ ਬੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਖ਼ਾਵੰਦ ਦੇ ਮਾਰਾ ਮਾਰ ਦੇ ਕਾਰਨ ਕਈ ਵਾਰ ਆਪ ਹੱਤਿਆ ਦਾ ਸੋਚਿਆ ਪਰ ਜਦੋਂ ਵੀ ਆਪਣੇ ਨਿੱਕੇ ਨਿਆਣਿਆਂ ਉਚੇਚਾ ਧੀ ਨੂੰ ਵੇਖਣੀ ਆਂ ਤੇ ਖ਼ਿਆਲ ਆਉਂਦਾ ਹੈ ਮੇਰੀ ਹਯਾਤੀ ਵਿਚ ਉਨ੍ਹਾਂ ਨੂੰ ਸਾਂਭਣ ਵਾਲਾ ਕੋਈ ਨ੍ਹੀਂ ਹੈ ਤੇ ਮੇਰੇ ਮਗਰੋਂ ਕੀਹ ਹੋਵੇ ਗਾ। ਖ਼ੋਰੇ ਇਹੋ ਕਾਰਨ ਹੈ ਜੋ ਹੁਣ ਤੀਕਰ ਜੀ ਰਹੀ ਆਂ।

ਇਧੀ ਹੋਮ ਦੀ ਇਕ ਅਹਿਲਕਾਰ ਰੁਬੀਨਾ ਬੀ ਬੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਅਦਾਰੇ ਵਿਚ ਘਰੇਲੂ ਮਾਰਾ ਮਾਰ ਤੋਂ ਅੱਕ ਕੇ ਪਨਾਹ ਲੈਣ ਵਾਲਿਆਂ ਜ਼ਨਾਨੀਆਂ ਬਹੁਤ ਵਧੀਆਂ ਨੇਂ ।ਜਦੋਂ ਕਿ ਪਹਿਲੋਂ ਇੰਜ ਦੀਆਂ ਜ਼ਨਾਨੀਆਂਨੋਂ ਉਨ੍ਹਾਂ ਦੇ ਮਾਪਿਆਂ ਯਾਂ ਕੋਈ ਨੇੜਲੇ ਸਾਕ ਆਪਣੇ ਘਰ ਪਨਾਹ ਦੇ ਦਿੰਦੇ ਸੀ ਪਰ ਹੁਣ ਮੁਆਸ਼ੀ ਪ੍ਰੇਸ਼ਾਨੀਆਂ ਦੇ ਕਾਰਨ ਇੰਜ ਬਹੁਤ ਘੱਟ ਹੁੰਦਾ ਹੈ।

ਜ਼ਨਾਨੀਆਂ ਦੇ ਹੱਕਾਂ ਲਈ ਕੰਮ ਕਰਨ ਵਾਲੀ ਇਕ ਗ਼ੈਰ ਸਰਕਾਰੀ ਸੱਥ ਔਰਤ ਫ਼ਾਊਂਡੇਸ਼ਨ ਮੂਜਬ ਇਸ ਸਾਲ ਪਾਕਿਸਤਾਨ ਵਿੱਚ ਜ਼ਨਾਨੀਆਂ ਤੇ ਮਾਰਾ ਮਾਰ ਵਧੀਆ ਹੈ। ਔਰਤ ਫ਼ਾਊਂਡੇਸ਼ਨ ਮੂਜਬ ਇਸ ਸਾਲ ਦੇ ਪਹਿਲੇ ਨੂ ਮਹੀਨਿਆਂ ਵਿਚ ਸਾਰੇ ਮੁਲਕ ਤੋਂ ਜ਼ਨਾਨੀਆਂ ਦੇ ਖ਼ਿਲਾਫ਼ ਮਾਰਾ ਮਾਰ ਦੇ ਪੰਜ ਹਜ਼ਾਰ ਛੇ ਸੌ ਤੋਂ ਵੱਧ ਵਾਕਿਆਂ ਦੀਆਂ ਰਿਪੋਰਟਾਂ ਮਿਲੀਆਂ ਨੇਂ।