ਸ਼ੈਕਸਪੀਅਰ ਇਕ ਯਹੂਦੀ ਜ਼ਨਾਨੀ ਸੀ: ਨਵੇਂ ਕਾਹਡ

ਮਸ਼ਹੂਰ ਅੰਗਰੇਜ਼ੀ ਸ਼ਾਇਰ ਤੇ ਡਰਾਮਾ ਲਿਖਾਰੀ ਸ਼ੈਕਸਪੀਅਰ ਬਾਰੇ ਇਕ ਨਵੀਂ ਕਾਹਡ ਸਾਹਮਣੇ ਆਈ ਹੈ ਜਿਹਦੇ ਮੂਜਬ ਸ਼ੈਕਸਪੀਅਰ ਇਕ ਯਹੂਦੀ ਜ਼ਨਾਨੀ ਸੀ ਜਿਹਨੇ ਆਪਣੀਆਂ ਲਿਖਤਾਂ ਲੰਦਨ ਵਿਚ ਛਪਵਾਉਣ ਲਈ ਬੰਦੇ ਦਾ ਰੂਪ ਵਟਾਇਆ ਸੀ ਕਿਉਂ ਜੇ ਉਸ ਵੇਲ਼ੇ ਜ਼ਨਾਨੀਆਂ ਦਾ ਲਿਖਿਆ ਹੋਇਆ ਅਦਬ ਲੰਦਨ ਵਿਚ ਨਹੀਂ ਛਾਪਿਆ ਜਾਂਦਾ ਸੀ। ਇਕ ਜ਼ਨਾਨੀ ਇਮੀਲੀਆ ਬੀਸੀਨੋ ਲੀਨੀਰ ਇਟਲੀ ਦੀ ਵਸਨੀਕ ਸੀ ਤੇ ਇੰਗਲੈਂਡ ਵਿਚ ਭੇਸ ਵੱਟਾ ਕੇ ਰਹਿੰਦੀ ਸੀ ਬਾਰੇ ਆਖਿਆ ਜਾਂਦਾ ਹੈ ਕਿ ਉਹ ਪਹਿਲੀ ਜ਼ਨਾਨੀ ਸੀ ਜਿਹਦੀ ਸ਼ਾਇਰੀ ਦੀ ਕਿਤਾਬ ਛਪੀ ਸੀ।

ਇਨ੍ਹਾਂ ਵਿਚਾਰਾਂ ਮਗਰ ਬੀਸੀਨੋ ਦੀ ਹਯਾਤੀ ਦੀਆਂ ਵਾਪਰੀਆਂ ਹਨ। ਜਾਣ ਹਡਸਨ ਜਿਹੜਾ ਸ਼ੈਕਸਪੀਅਰ ਦੇ ਕੰਮ ਦਾ ਇਕ ਵੱਡਾ ਜਾਣੂ ਮੰਨਿਆ ਜਾਂਦਾ ਹੈ ਉਹਦਾ ਆਖਣਾ ਹੈ ਕਿ ਬੀਸੀਨੋ ਦੇ ਕੰਮ ਤੇ ਸ਼ੈਕਸਪੀਅਰ ਦੇ ਕੰਮ ਵਿਚ ਬਹੁਤ ਇਕਸਾਰਤਾ ਹੈ। ਇਸ ਮਾਹਿਰ ਨੇ ਉਨ੍ਹਾਂ ਤਕਨੀਕੀ ਬਾਰੀਕੀਆਂ ਨੂੰ ਵੀ ਸਾਹਮਣੇ ਲਿਆਂਦਾ ਹੈ ਜਿਹੜੀਆਂ ਬੀਸੀਨੋ ਤੇ ਸ਼ੈਕਸਪੀਅਰ ਦੇ ਕਲਾਮ ਵਿਚ ਰਲਦੀਆਂ ਮਿਲਦਿਆਂ ਹਨ।

ਜਦੋਂ ਇਸ ਮਾਹਿਰ ਕੋਲੋਂ ਪੁੱਛਿਆ ਗਿਆ ਕਿ ਕੀ ਇਹ ਅਦਬੀ ਦੁਨੀਆ ਵਿੱਚ ਇੱਕ ਵੱਡੀ ਅਫ਼ਵਾਹ ਹੈ ਕਿ ਕਿਸੇ ਬੰਦੇ ਨੇ ਜ਼ਨਾਨੀ ਦੀ ਅਜ਼ਮਤ ਨੂੰ ਵਰਤਿਆ ਹੈ ਤੇ ਉਹਨੇ ਇਸ ਨੂੰ ਇਕ ਵੱਡਾ ਹਰਖ ਦੱਸਿਆ। ਉਹਦਾ ਆਖਣਾ ਸੀ ਕਿ ''ਮੇਰਾ ਵਿਚਾਰ ਹੈ ਕਿ ਇਹ ਕੋਈ ਅਫ਼ਵਾਹ ਨਹੀਂ ਹੈ। ਇਹ ਇਕ ਢੌਂਗ ਸੀ ਜਿਹੜਾ ਉਹਨੇ ਅਪਣੀ ਸ਼ਾਇਰੀ ਛਪਵਾਉਣ ਲਈ ਵਰਤਿਆ ਸੀ ਜਿਵੇਂ ਹੋਰ ਕਈ ਜ਼ਨਾਨੀਆਂ ਨੇ ਵਰਤਿਆ ਤੇ ਅਪਣੀ ਸ਼ਾਇਰੀ ਬੰਦਿਆਂ ਦੇ ਨਾਂ ਨਾਲ ਛਪਵਾਈ। ਕਿਉਂ ਜੇ ਉਸ ਵੇਲ਼ੇ ਲੰਦਨ ਵਿਚ ਜ਼ਨਾਨੀਆਂ ਦੀ ਸ਼ਾਇਰੀ ਨਹੀਂ ਛਾਪੀ ਜਾਂਦੀ ਸੀ ਇਸ ਲਈ ਉਹਨੇ ਇਹ ਸਭ ਕੁੱਝ ਕੀਤਾ''।

ਜਾਣ ਹਡਸਨ ਕੋਲ ਸ਼ੈਕਸਪੀਅਰ ਦੇ ਕੰਮ ਤੇ ਜੱਗ ਦੀਆਂ ਵੱਡੀਆਂ ਅਦਾਰਿਆਂ ਤੋਂ ਮਿਲੀਆਂ ਹੋਈਆਂ ਕਈ ਡਿਗਰੀਆਂ ਤੇ ਸਰਟੀਫ਼ੀਕੇਟ ਹਨ।