ਐਸ਼ਵਰਿਆ ਰਾਏ ਬੇ ਨਜ਼ੀਰ ਦਾ ਕਿਰਦਾਰ ਅਦਾ ਕਰਨ ਗਈਆਂ ?

ਪਿਛਲੇ ਦਿਨਾਂ ਵਿੱਚ ਮੁੰਬਈ ਦੀ ਮਸ਼ਹੂਰ ਪ੍ਰੋਡਕਸ਼ਨ ਕੰਪਨੀ ' ਯੂ ਟੀ ਵੀ ' ਨੇ ਬੇਨਜ਼ੀਰ ਦੀ ਹਯਾਤੀ ਤੇ ਫ਼ਿਲਮ ਬਣਾਉਣ ਦੇ ਮਨਸੂਬੇ ਦਾ ਐਲਾਨ ਕੀਤਾ। ਅਫ਼ਵਾਹਵਾਂ ਤੇ ਇਹ ਵੀ ਸੀ ਫ਼ਿਲਮ ਵਿਚ ਮੁੱਢਲਾ ਕਿਰਦਾਰ ਪਿਛਲੀ ਮਲਿਕਾ ਹਸਨ ਐਸ਼ਵਰਿਆ ਰਾਏ ਨਭਾਵਨ ਗਈਆਂ ਤੇ ਇਹ ਕਿ ਐਸ਼ਵਰਿਆ ਇਸ ਔਖੇ ਕਿਰਦਾਰ ਨੂੰ ਫ਼ਿਲਮੀ ਪਰਦੇ ਤੇ ਪੇਸ਼ ਕਰਨ ਦੀ ਚਾਹ ਰੱਖਦੀਆਂ ਹਨ।

ਪਰ ਬੇਨਜ਼ੀਰ ਭੁੱਟੋ ਦੇ ਖ਼ਾਵੰਦ ਆਸਿਫ਼ ਅਲੀ ਜ਼ਰਦਾਰੀ ਦੇ ਵਕੀਲ ਅਸ਼ੀਸ਼ ਮਹਿਤਾ ਨੇ ਇਹ ਜ਼ਾਹਰ ਕਰ ਦਿੱਤਾ ਹੈ ਬੇ ਨਜ਼ੀਰ ਭੁੱਟੋ ਨੇ ਅਪਣੀ ਜ਼ਿੰਦਗੀ ਵਿਚ ਫ਼ਿਲਮ ਬਣਾਉਣ ਦੇ ਕਨੁਨੀ ਹੱਕ ਇਕ ਅਮਰੀਕੀ ਪ੍ਰੋਡਕਸ਼ਨ ਹਾਊਸ ਨੂੰ ਦਿੱਤੇ ਸਨ। ਅਸ਼ੀਸ਼ ਨੇ ਹੋਰ ਕਹਿਆ ਕਿ ਬਾਲੀ ਵੱਡ ਵਿਚ ਜੇ ਬੇਨਜ਼ੀਰ ਤੇ ਫ਼ਿਲਮ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਤੇ ਭੁੱਟੋ ਖ਼ਾਨਦਾਨ ਉਸ ਫ਼ਿਲਮ ਨੂੰ ਬਣਾਉਣ ਲਈ ਕਿਸੇ ਵੀ ਕਿਸਮ ਦਾ ਤਾਆਵਨ ਨਹੀਂ ਦੇਵੇ ਗਾ।

ਇਸ ਵਿਚ ਕੋਈ ਸ਼ੱਕ ਨਹੀਂ ਪਾਕਿਸਤਾਨ ਦੀ ਗੁਜ਼ਰੇਲ ਵਜ਼ੀਰ ਆਜ਼ਮ ਤੇ ਪੀ ਪੀ ਪੀ ਦੀ ਪ੍ਰਧਾਨ ਬੇਨਜ਼ੀਰ ਭੁੱਟੋ ਦੀ ਮੌਤ ਦੇ ਵੇਲ਼ੇ ਤੋਂ ਉਨ੍ਹਾਂ ਦੀ ਗਿਣਤੀ ਦੁਨੀਆ ਦੀਆਂ ਮਸ਼ਹੂਰ ਜ਼ਨਾਨੀਆਂ ਵਿਚ ਹੋਵਣ ਲੱਗੀ ਹੈ। ਇਹੋ ਕਾਰਨ ਹੈ ਪਿਛਲੇ ਸਾਲ ਰਾਵਲਪਿੰਡੀ ਵਿਚ ਬੇਨਜ਼ੀਰ ਦੇ ਮਰਨ ਤੋਂ ਮਗਰੋਂ ਬਰ-ਏ-ਸਗ਼ੀਰ ਦੀ ਇਸ ਨਾਮਵਰ ਜ਼ਨਾਨੀ ਲੀਡਰ ਦੀ ਜ਼ਿੰਦਗੀ ਨੂੰ ਫ਼ਿਲਮੀ ਕੈਮਰੇ ਵਿਚ ਕੈਦ ਕਰਨ ਲਈ ਬਾਲੀ ਵੁੱਡ ਦੇ ਨਾਲ ਨਾਲ ਹਾਲੀ ਵੱਡ ਦੇ ਫ਼ਿਲਮ ਮੇਕਰ ਵਿਚ ਬੇ ਚੀਨ ਹਨ।

ਯੂ ਟੀ ਵੀ ਦੇ ਬੀਨਜ਼ੀਰਤੇ ਫ਼ਿਲਮ ਬਣਾਉਣ ਦੀ ਖ਼ਬਰ ਨੂੰ ਸੁਣ ਕੇ ਆਸਿਫ਼ ਅਲੀ ਜ਼ਰਦਾਰੀ ਨੇ ਆਪਣੇ ਵਕੀਲ ਰਾਹੀਂ ਇਸ ਪ੍ਰੋਜੈਕਟ ਲਈ ਅਪਣੀ ਨਾਪਸਨਦੀਦਗੀ ਦਾ ਵਿਖਾਲਾ ਤੇ ਕਰ ਦਿੱਤਾ ਹੈ। ਪਰ ਖ਼ਬਰ ਹੈ ਕਿ ਨੀਲੀਸ਼ ਮਿਸ਼ਰਾ ਨੂੰ ਯੂ ਟੀ ਵੀ ਨੇ ਫ਼ਿਲਮ ਦੀ ਅਸਕਰਪਟ ਲਿਖਣ ਦੀ ਜ਼ਿੰਮੇ ਵਾਰੀ ਦਿੱਤੀ ਹੈ।

ਚੇਤੇ ਰਵੇ ਇਸ ਸਾਲ ਜਨਵਰੀ ਵਿੱਚ ਬਾਲੀ ਵੱਡ ਦੇ ਮਸ਼ਹੂਰ ਫ਼ਿਲਮ ਸਾਜ਼ ਮਹੇਸ਼ ਭੱਟ ਨੇ ਵੀ ਕਰਾਚੀ ਦੀ ' ਅਸਕਾਇਜ਼ ਇਨ ਲਿਮਿਟਿਡ ਫ਼ਿਲਮਜ਼ ' ਕੰਪਨੀ ਦੇ ਤਾਆਵਨ ਨਾਲ ਬੇਨਜ਼ੀਰ ਦੀ ਜ਼ਿੰਦਗੀ ਤੇ ਫ਼ਿਲਮ ਬਣਾਉਣ ਦੀ ਆਫ਼ਰ ਕੀਤੀ ਸੀ। ਫ਼ਿਲਮ ਵਿਚ ਮੁੱਢਲੇ ਕਿਰਦਾਰ ਲਈ ਸ਼ਬਾਨਾ ਆਜ਼ਮੀ ਨੂੰ ਸਾਈਨ ਵੀ ਕਰ ਲਿਆ ਗਿਆ ਸੀ। ਪਰ ਪਾਕਿਸਤਾਨ ਵਿੱਚ ਬੇਨਜ਼ੀਰ ਦੀ ਨੇੜੇ ਦੀ ਸਹੇਲੀ ਨਾਹੀਦ ਖ਼ਾਨ ਭੱਟ ਦੇ ਇਸ ਮਨਸੂਬੇ ਲਈ ਆਸਿਫ਼ ਜ਼ਰਦਾਰੀ ਦੀ ਇਜਾਜ਼ਤ ਲੈਣ ਵਿਚ ਨਾਕਾਮ ਰਹੀਆਂ।

ਆਸਿਫ਼ ਜ਼ਰਦਾਰੀ ਦੇ ਵਕੀਲ ਅਸ਼ੀਸ਼ ਮਤਮਅਨ ਹਨ ਕਿ ਮਹੇਸ਼ ਭੱਟ ਨੇ ਵਾਅਦਾ ਕੀਤਾ ਹੈ ਮੁਸਤਕਬਿਲ ਵਿਚ ਭੁੱਟੋ ਟੱਬਰ ਦੀ ਇਜਾਜ਼ਤ ਤੋਂ ਬਗ਼ੈਰ ਉਹ ਬੇਨਜ਼ੀਰ ਦੀ ਜ਼ਿੰਦਗੀ ਤੇ ਕੋਈ ਫ਼ਿਲਮ ਨਹੀਂ ਬਨਾਵਨਗੇ।