ਫ਼ਿਲਮ ਡਾਇਰੈਕਟਰ ਮਹੇਸ਼ ਭੱਟ ਲਹੌਰ ਅੱਪੜ ਗਏ

ਭਾਰਤ ਦੇ ਮਸ਼ਹੂਰ ਫ਼ਿਲਮ ਡਾਇਰੈਕਟਰ ਮਹੇਸ਼ ਭੱਟ ਤੇ ਲਿਖਾਰੀ ਸ਼ਗਫ਼ਤਾ ਰਫ਼ੀਕੀ ਆਪਣੀਆਂ ਦੋ ਫ਼ਿਲਮਾਂ ਦੀ ਸ਼ੂਟਿੰਗ ਲਈ ਥਾਵਾਂ ਲੱਭਣ ਲਈ ਚਾਰ ਦਿਹਾੜੀਆਂ ਦੇ ਦੌਰੇ ਤੇ ਲਹੌਰ ਅੱਪੜ ਗਏ ਹਨ। ਦੋਹੀਂ ਭਾਰਤੀ ਪ੍ਰਾਹੁਣੇ ਪਾਕਿਸਤਾਨ ਅਤੇ ਭਾਰਤ ਦੇ ਰਲ ਕੇ ਫ਼ਿਲਮਾਂ ਬਣਾਉਣ ਦੇ ਹਵਾਲੇ ਨਾਲ ਆਪਣੇ ਭਾਈਵਾਲ ਸੁਹੇਲ ਖ਼ਾਨ ਦੇ ਨਾਲ ਪੰਜਾਬੀ ਫ਼ਿਲਮ 'ਖ਼ੁਸ਼ੀ' ਅਤੇ ਉਰਦੂ ਫ਼ਿਲਮ 'ਜਸ਼ਨ' ਦੇ ਮਾਮਲੇ ਮਿਥਣ ਅਤੇ ਫ਼ਿਲਮ ਦਾ ਸਕਰੀਨ ਪੱਲੇ ਲਿਖਣ ਲਈ ਪਾਕਿਸਤਾਨ ਆਏ ਹਨ।

ਮਹੇਸ਼ ਭੱਟ ਨੇ ਲਹੌਰ ਏਅਰਪੋਰਟ ਤੇ ਮੀਡੀਆ ਨਾਲ ਗੱਲ ਕਰਦਿਆਂ ਆਖਿਆ ਕਿ ਉਨ੍ਹਾਂ ਸਦਾ ਈ ਇਹ ਜਤਨ ਕੀਤਾ ਹੈ ਕਿ ਰਲ ਕੇ ਫ਼ਿਲਮਾਂ ਬਣਾਉਣ ਰਾਹੀਂ ਦੋਹਾਂ ਦੇਸਾਂ ਵਿਚਕਾਰ ਸਾਂਗੀਆਂ ਨੂੰ ਪੱਕਾ ਕੀਤਾ ਜਾਵੇ। ਇਸੇ ਲਈ ਅਕਸਰ ਉਨ੍ਹਾਂ ਨੇ ਆਪਣੀਆਂ ਫ਼ਿਲਮਾਂ ਵਿਚ ਪਾਕਿਸਤਾਨੀ ਗਵੀਆਂ ਅਤੇ ਕਲਾਕਾਰਾਂ ਨੂੰ ਕੰਮ ਦਿੱਤਾ ਹੈ। ਆਉਣ ਵਾਲੀਆਂ ਇਹਨਾਂ ਦੋਹਾਂ ਫ਼ਿਲਮਾਂ ਵਿਚ ਵੀ ਪਾਕਿਸਤਾਨੀ ਕਲਾਕਾਰਾਂ ਦੇ ਉਗੜਵੇਂ ਪਾਤਰ ਹੋਵਣ ਗੇ।

ਇਸ ਮੌਕੇ ਤੇ ਸ਼ਗਫ਼ਤਾ ਰਫ਼ੀਕੀ ਨੇ ਆਖਿਆ ਕਿ ਉਨ੍ਹਾਂ ਨੂੰ ਪਾਕਿਸਤਾਨ ਆਉਣਾ ਚੰਗਾ ਲੱਗਾ ਹੈ ਕਿਉਂ ਜੇ ਇਹ ਉਨ੍ਹਾਂ ਦੀ ਬੜੇ ਚਿਰਾਂ ਨੂੰ ਸੁਧਰ ਸੀ। ਇਸ ਤੋਂ ਪਹਿਲੋਂ ਮਹੇਸ਼ ਭੱਟ ਦੀ ਫ਼ਿਲਮ 'ਧੋਕਾ' 'ਜੰਨਤ' ਅਤੇ 'ਵੋਹ ਲਮਹੇ' ਲੱਖ ਚੁੱਕੀਆਂ ਨੇਂ ਜਦੋਂ ਕਿ ਦੋ ਫ਼ਿਲਮਾਂ 'ਰਾਜ਼ ਟੂ' ਅਤੇ ਕਜਰਾਰੇ' ਛੇਤੀ ਰਿਲੀਜ਼ ਹੋ ਜਾਵਣ ਗਿਆਂ। ਦੋਹੀਂ ਪ੍ਰਾਹੁਣੇ ਚਾਰ ਅਗਸਤ ਨੌਂ ਭਾਰਤ ਪਰਤ ਜਾਵਣਗੇ।