نئين چونڊيل آمريڪا جي صدر باراڪ اوباما جو چوڻ آهي ته خودمختيار قومن کي پنهنجي حفاظت ڪرڻ هو پورو حق آهي. ڇنڇر جي ڏينهن جڏهن ميڊيا جي نمائيندن اوباما کان پڇيو ته، جيڪڏهن ممبئي ڌماڪن ۾ پاڪستان جي خلاف ڪو ثبوت ملي ته پوءِ پاڪستان انهي ڏس ۾ ڪجهه به نه ڪري ته پوءِ ڇا پاڪستان ۾ دهشتگردن جي ڪيمپن تي بمباري ڪرڻ جي جنهن پاليسي جو اعلان اوباما پنهنجي چونڊ مهم جي دوران ڪيو هو، ته ڇا هندوستان به انهي تي عمل ڪري سگھي ٿو؟
اوباما چيو ته هو هينئر پاڪستان ۽ هندوستان جي حالتن جي باري ۾ ڪجهه نٿو چوڻ چاهي،پر پوءِ به انهن جي هن ڳالهه کان هندوستان طرفان هن پاليسي کي لاڳو ڪرڻ جو چٽو اشارو ملي ٿو، هن جي ڳالهه ۾ ٻه خاص نڪتا آهن، پهريون اهو ته اڳ ۾ تحقيق ڪندڙن کي ممبئي واقعن جي باري ۾ ڪنهن حتمي نتيجي تي پهچڻ ڏيو ۽ ٻيون اهو ته هن ڳالهه جو انتظار ڪيو ته ڇا پاڪستان دهشتگردن کي ختم ڪرڻ لاءِ پنهنجي ڪم کي مڪمل ڪري به ٿو يا نه.
اوباما چيو ته هن جي سرڪاردهشتگردن کي انهن جي ڪئي ڪم جي سزا ڏيارڻ لاءِ هندوستان جي مڪمل حمايت ڪندي. اوباما جو چوڻ هو ته مونکي اميد آهي ته سڄي دنيا به انهن لاءِ ساڳي سوچ رکي ٿي.
