پابندي مڙهيل تحريڪ طالبان پاڪستان گھرو معاملن جي وفاقي وزير رحمان ملڪ جي سر جي قيمت ڏھ ڪروڙ رپيا رکي آهي حڪومت طرفان تحريڪ جي 11 اڳواڻن جي سر جي قيمت جي فيصلي کي رد ڪندي هن چيو ته تحريڪ پنهنجي مقصدن کي حاصل ڪرڻ تائين جدوجهد جاري رکندي.
تحريڪ جي نائب امير مولوي نور ايڪسپريس سان رابطي تي چيو ته حڪومت پنهنجي سڀني ڪاروائين ۾ ناڪام ٿي وئي آهي ۽ هاڻ آمريڪي ڊالرن تي ماڻهن کي لالچ ڏئي اسان سان وڙهائڻ چاهي ٿي پر اسين ڊڄڻ وارا ڪونه آهيون. انهن ماڻهن کي اپيل ڪئي آهي ته حڪومت جي لالچ ۾ نه اچن.
هن هي به اعلان ڪيو ته جيڪو ماڻهو گھرو وزير رحمان ملڪ کي زنده يا مڙده وٺي ايندو هن کي ڏھ ڪروڙ رپيا ڏنا ويندا. ڪلهه حڪومت حڪومت بيت الله محسود ۽ سندس ساٿين جي زنده يا مڙده گرفتاري تي ڪروڙين رپين جو انعام رکيو آهي.
