پاڪستان جي قبائلي علائقي وزيرستان جي صدر مقام ميرام شاهه کان ويهه ڪلوميٽر جي مفاصلي تي اولهه ۾ ڳوٺ محمد خيل تي آمريڪي جاسوس جهاز ميزائل سان حملو ڪيو آهي جنهن تي نتيجي ۾ ويهه ماڻهون مارجي ويا آهن جڏهن ته مارجي ويل ماڻهن جو انگ وڌڻ جو انديشو آهي.
ذريعن موجب مارجي ويل ماڻهن ۾ پنڌرهن ويڙهاڪ ۽ پنج عام شهري آهن جڏهن ته ٻه افغان مهاجرن جي ملڪيت به تباهه ٿي آهي. ذريعن ٻڌايو آهي ته مارجي ويل ماڻهن ۾ غير ملڪي به شامل آهن. جيو نيوز جي نمائندي موجب هي حملو شام جي وقت ڪيو ويو آهي.
