اربع تي جاري ٿيل راء عامه جي هڪ نئين جائزي سان ظاهر ٿيو آهي ته ڊيموڪريٽڪ صدارتي اُميدوار براڪ اوباما کي سندس ريپبلڪن مخالف جان ميڪ ڪين ۽ ٻنهيءَ پارٽين جي ڪنونشن کانپوءِ پهريون ڀيرو وڏي ڪاميابي حاصل ٿي آهي.
اخبار واشنگٽن پوسٽ ۽ بي بي سي نيوز پاران ڪرايل هن سروي رپورٽ کان معلوم ٿيو آهي ته اوباما کي امڪاني ووٽرن ۾ ميڪ ڪين تي نو سيڪڙو پوائنسٽس جي برتري حاصل آهي. هي مقابلو تڏهن ڏکيو يو جڏهن جان ميڪ ڪين کي ٻه هفته اڳ سندس پارٽي جي ڪنونشن ۾ باقاعده نامزد ڪيو ويو هو.
واشنگٽن پوسٽ چيو ته اوباما جي حمايت ان ڪري وڌي آهي جو ووٽرن کي آمريڪي مالياتي کاتي جي هاڻوڪي بحران ۽ ملڪ جي معيشت جي حالت تي ڳڻتي آهي. سروي ۾ شمال ماڻهن اوباما کي معيشت کي منهن ڏيڻ ۾ ميڪ ڪين جي مقابلي ۾ گهڻا پوائنٽ ڏنا آهن.
ٻئي صدارتي اُميدوار آڪسفورڊ مسي سپي ۾ خمس جي رات ٽيلي ويزن تي پنهنجي پهرين مباحثي ۾ هڪ ٻي جي آمهون سامهون ٿيندا.
