برطانيا جي وزير اعظم گورڊن برائون جو چوڻ آهي ته آمريڪي مالياتي بحران دنيا جي سموري معيشتن کي لوڏائي ڇڏيو آهي. ڪو به ترقي پزير يا ترقي يافته ملڪ هن جي بدترين اثر کان بچي ڪونه سگهيو آهي. برطانوي وزير اعظم آزاد مارڪيٽ جي نظام کي نئين سر قائم ڪرڻ لاءِ سموري حمايتي ملڪن تي زور ڏيندي چيو آهي ته مضبوط بئنڪنگ سسٽم لاءِ جلدي ڪاروائي ڪئي ويندي. برطانوي وزير اعظم پريس ڪانفرنس کي خطاب ڪندي چيو ته آمريڪا يورپي يونين کان مطالبو ڪيو آهي ته مالياتي بحران ڪنٽرول ڪرڻ لاءِ بين الاقوامي، بئنڪنگ سسٽم ۽ آزاد مارڪيٽنگ ۽ عالمي اعتماد بحال ڪرڻ لاءِ جلدي سخت ڪاروائي ڪئي ويندي.
