ڊي پي او شڪارپور جرماني جي طور تي ڇهه ڇوڪريون مختلف قبيلن کي ڏيڻ جي فيصلي جو پاڻمرادو نوٽيس وٺندي جرگي ۾ شامل سموري ماڻهن کي گرفتار ڪرڻ جو حڪم جاري ڪيو آهي. ڊي پي او شڪارپور خادم حسين رند جي هدايت تي جرگي ۾ موجود سموري ماڻهن جي خلاف ٿاڻي ڳوٺ شاهو ۾ ڪيس درج ڪيو ويو آهي.
پوليس ڏوهارين کي گرفتار ڪرڻ لاءِ ڪيترن ئي علائقن ۾ ڏوهارين جي ڳولاء ڪري رهي آهي. پوليس موجب ڪچي جي علائقي چڪ جتوئي قبيلي جي ٻن ٽولن ۾ 6 سالن کان هلندڙ اختلاف ختم ڪرڻ لاءِ يوسي مير نياز حسين جتوئي جي قيادت ۾ جرگو ٿيو.
جرگي ۾ قتل جو الزام ثابت ٿيڻ کانپوءِ جرماني جي طور تي ڇهه معصوم نينگرين جو نڪاح هنن کان ٻيڻي عمر جي ماڻهن سان پڙهايو ويو ۽ هڪ تيرهن سالن جي معصوم ڇوڪري کي پنجونجاهه سال جي پوڙهي ماڻهون جي حوالي ڪيو ويو.
