يوني فيم جي هڪ نئين رپورٽ موجب عورتن جي اقتصادي فلاح ۽ سياست صحت ۽ معيشت جي حوالي سان عورتن جي حقن جي حفاظت لاءِ انتظاميا ۽ عهديدارن جون پاليسيون ۽ پاليسين تي عمل درآمد جي طريقن کي ذميوار چوڻ گهرجي.
اقوام متحده جي سيڪيٽري جنرل بن ڪي مون هن رپورٽ جي شايع ٿيڻ باري چيو آهي ته عالمي جمهوريت جي ڏينهن جي موقعي تي هن رپورٽ جي تعارف کي هڪ نيڪ شگون سمجهڻ گهرجي. سيڪيٽري جنرل جو چوڻ هو ته بهبود آبادي وارو کاتو بيحد مسئلن جو شڪار ٿيل آهي پر هنن مسئلن جو حل به صاف ظاهر آهي. هنن مسئلن جو مقابلو ڪرڻ لاءِ ترقي يافته ملڪن وانگر ترقي پذير ملڪن ۾ به حاملا عورتن جي صحت تي گهڻو ڌيان ڏيڻ گهرجي.
يوني فيم جي اين مري گوتر اها رپورٽ لکي آهي ۽ سندس چوڻ آهي ته جيڪڏهن اهڙا حالات برقرار رهندا ته پوءِ ٿي سگهي ٿو ته اقوام متحده 2015 لاءِ جيڪي هدف مقرر ڪيا آهن هو پورا ڪونه ٿيندا. هنن هدفن ۾ غربت ۽ بيمارين جو مقابلو ڪرڻ به شامل آهن.
انتظاميا ۽ عهديدارن کي ذميوار چوڻ جي مفاد جي موضوع تي اقوام متحده جي هن ٻُڌڻي ۾ هندستان جي ٽن ڪارڪنن ٻُڌندڙن کي تجربن کان خبردار ڪيو. راجسٿان سندس گروپ ۾ سارڪ ملڪ ۾، رائيٽ ٽو انفارميشن لاءِ منظور ڪرائڻ ۾ ڪامياب ٿيو. هن ماڻهن جي مدد سان پنهنجي ڳوٺن ۾ ٿيندڙ ميٽنگز جو مثال ڏنو.
يوني فيم جي رپورٽ موجب ڇوڪرين جي تعليم جي شعبي ۾ ترقي ٿي آهي. هن کان علاوه هن رپورٽ ۾ عورتن جي خلاف مارڪُٽ جو جائزو پڻ ورتو ويو آهي. ۽ لايبيريا ۾ وڳوڙ جي روڪٿام ڪرڻ لاءِ اُماڻيل آل ويمن پوليس يونٽس جهڙا ٻيا يونٽ تشڪيل ڏيڻ جو مشورو ڏنو ويو آهي.
