لنڊن جي امپيريل وار ميوزيم ۾ مشهور جاسوسي ڪردار جيمز بانڊ جي خالق آئن فليمنگ جي پيدائش جا هڪ سئو سال مڪمل ٿيڻ تي هڪ خاص نمائش جو انتظام ڪيو ويو آهي. هن نمائش ۾ فليمنگ جي تصويرن کان علاوه سندس ميز ۽ ٽائپ رائيٽر به رکيو ويو آهي.
فليمنگ سندس تحريرن ۾ جيمز بانڊ جي نالي سان هڪ ڪردار تخليق ڪيو جيڪو برطانوي خفيه سروس جو ايجنٽ هيو. هن ڪردار جاسوسي جي دنيا ۾ مشهوري حاصل ڪئي. هن ڪردار تي هالي وڊ انڊسٽري پاران فلمون پڻ ٺاهيون ويون جن رڪارڊ بزنس ڪيو.
هن ڪردار دنيا جي مختلف ٻولين ۾ تخليق ٿيل ادب ۽ فلمن ۾ پنهنجا گهرا اثر ڇڏيا. تمام گهٽ ماڻهن کي خبر هوندي ته جيمز بانڊ فرضي ڪردار ۾ سندس خالق آئن فليمنگ جي شخصيت جي انداز جي جھلڪ آهي.
