لاهور جي هيرا منڊي ڏسڻي هجي ته پاڪستان وڃڻ جي ضرورت ناهي هاڻ توهان لاهور جي هيرا منڊي فلم سٽي ۾ به ڏسي سگهو ٿا. جي ها فلم سٽي ۾ هڪ ڪروڙ رپي جي لاگت سان پوجا ڀٽ ۽ ٽي سيريز لاهور جي گهٽين جو بالڪل ساڳيو نقشو قائم ڪرايو آهي. يقيني ڳالهه آهي ته لاهور جا ماڻهون مايوس ٿيا هوندا ڇاڪاڻ ته هاڻي سندن شهر ۾ شوٽنگ ڪونه ٿيندي.
دراصل ”ڪجراري“ ڪهاڻي لاهور جي هيرا منڊي جي پسمنظر ۾ لکي وئي پيار جي انوکي داستان آهي جنهن تي پوجا ڀٽ فلم ٺاهي رهي آهي ۽ اها ڳالهه طئي هئي جو فلم جي شوٽنگ لاهور جي انهيءَ علائقي ۾ ٿيندي پر ڪجهه شوٽنگ جي اجازت جو مامرو ۽ ڪجهه ٻيا مسئلا پيدا ٿي ويا.
خير لاهور منڊي ٺاهڻ ۾ گهڻي تڪليف ڪونه ٿي ڇاڪاڻ مهيش ڀٽ ۽ پوجا ڀٽ ڪيترا ئي ڀيرا پاڪستان وڃي چُڪا آهن ۽ هنن بالڪل ساڳيو خاڪو تيار ڪيو آهي.
