مهاراجا رنجيت سنگهه فقير عزيز الدين صاحب کي حڪم ڏنو هو ته شاهي علقي ۽ شاهي مسيت جي درميان ميدان ۾ هڪ باغ تيار ڪرايو وڃي جنهن جو نالو حضوري باغ رکيو وڃي. هن وقت ڏيڍي جو محافظ خوشحال سنگهه به حاضر هو. هن عرض ڪئي ته باغ ۾ هڪ سنگ مر مر جي دري بڻجي وڃي ته هن باغ جو حسن وڌي ويندو.
رنجيت سنگهه چيو ته پٿر گهرائڻ بيحد ڏکيو ڪم آهي. خوشحال سنگهه مشورو ڏنو ته ارد گرد جي مقبرن تان سنگ مر مر لاهيو وڃي. بلڪل ائين ئي ڪيو ويو. زيب النساء، نور جهان، نواب آصف جاهه ۽ جهانگير جي مقبرن کان پٿر پٽرائي ٻارهن دري جو اڏاوتي ڪم شروع ڪرايو ويو. ٻارهن دري ٻه سالن ۾ تيار ٿئي.
