اکھاں وچ دل جانی پیاریا کیہا چیٹک لایا ای میں توں وچ نہ ذرا جُدائی ۔۔۔۔۔ ساتھوں آپ چھپایا ای مجھیں آئیاں یار نہ آئیا پُھوک برہوں ڈولائیائی اکھاں وچ دل جانی پیاریا ۔۔۔۔۔ کیہا چیٹک لایا ای میں نیڑے مینوں دور کیوں دسنائیں ساتھوں آپ چھپایا ای اکھاں وچ دل جانی پیاریا ۔۔۔۔۔کیہا چیٹک لایا ای
وچ مصر دی وانگ زُلیخا گُھنگھٹ کھول رُلایا ای اکھاں وچ دل جانی پیاریا ۔۔۔۔۔ کیہا چیٹک لایا ای شوہ بُلھے دے سر پر بُرقع تیرے عشق نچایا ای اکھاں وچ دل جانی پیاریا ۔۔۔۔۔ کیہا چیٹک لایا ای
اوکھے لفظاں دے معنے چیٹک۔ فکر مندی، پریشانی پُھوک۔ ساڑ برہوں۔فراق ڈوں۔ نہ بجھن والی پیاس، تریہہ
12
اُلٹے ہور زمانے آئے۔۔۔۔۔۔۔۔تاں میں بھیت سجن دے پائے کاں لگڑ نوں مارن لگے ۔۔۔۔۔۔۔۔ چِڑیاں جُرّے ڈھائے اُلٹے ہور زمانے آئے ۔۔۔۔۔۔۔۔ تاں میں بھیت سجن دے پائے گھوڑے چُگن اروڑیاں اُتے ۔۔۔۔۔۔۔۔ گدوں خود کھوائے اُلٹے ہور زمانے آئے ۔۔۔۔۔۔۔۔ تاں میں بھیت سجن دے پائے بھوریاں والے راجے کیتے ۔۔۔۔۔۔۔۔ راجیاں بھیک منگائے اگلے جا بنگاہ لے بیٹھے ۔۔۔۔۔۔۔۔ پچھلیاں فرش وچھائے بُلھا حُکم حضوروں آیا ۔۔۔۔۔۔۔۔ تِس نوں کون ہٹائے اُلٹے ہور زمانے آئے ۔۔۔۔۔۔۔۔ تاں میں بھیت سجن دے پائے
اوکھے لفظاں دے معنے لگڑ۔ اک کالی اکھ والا شکاری پرندہ جُرّے۔ نر باز خود۔ ہرا گھاہ بھوریاں والے۔ سکھ گوریلے جیہڑے موڈھے تے بھرا رکھدے سن بنگاہ۔ فوج دا پچھلا حصہ جیس وچ سامان ہوندا ہے، وانس دا سوٹا جیس نال ڈکا لایا جاندا ہے فرش وچھاونا۔ سواگت کرنا
اوکھے لفظاں دے معنے عارف۔ معرفت والا، صوفی واجا۔ باجہ، یا آواز سبد۔شبد، لفظ، کلمہ بہو رنگی۔ کیاں رنگاں والا تجیئے۔ چھڈ دئیے، ترک کر دئیے بھیکھ۔ بھیس پیاجا۔ دھوکا، فریب سرب ملا پی۔ساریاں نوں ملاون والا نِرویری۔ ویر توں پاک سرناج۔ سرناچا، چھوٹی سرنائی، پائپ کلیرین میلا۔ ملاپ اوتر۔ ابتر، خالی مُول۔ اصل زر، کاروبار وچ لائیا اصل سرمایہ ویاجا۔ خریدیا ہویا سامان بھیو۔ ہو گیا، بن گیا براجا۔نراجا، بنا راجے دے
14
آؤ سیو رل دیہو نی ودھائی میں ور پایا رانجھا ماہی. اج تاں روز مُبارک چڑھیا رانجھا ساڈے ویڑھے وڑیا ہتھ کُھونڈی موہڈے کمبل دھریا چاکاں والی شکل بنائی آؤ سیو رل دیہو نی ودھائی میں ور پایا رانجھا ماہی. مُکٹ گواں دے وچ رُل دا جنگل جوہاں وچ کِس مُل دا ہے کوئی اللہ دء دِل بُھلدا اس حقیقت خبر نہ کائی آؤ سیو رل دیہو نی ودھائی میں ور پایا رانجھا ماہی. بُلھے شاہ اک سودا کیتا پیتا زہر پیالہ پیتا نہ کُجھ لاہا ٹوٹا لیتا درد دُکھاں دی گٹھڑی چائی آؤ سیو رل دیہو نی ودھائی میں ور پایا رانجھا ماہی.
ایسا جگیا گیان پلیتا نا ہم ہندو نہ تُرک ضروری نام عشق دی ہے منظوری عاشق نے ہر جیتا ایسا جگیا گیان پلیتا ویکھو ٹھگاں شور مچایا جمناں مرناں چا بنایا مُورکھ بُھلے رولا پایا جس نوں عاشق ظاہر کیتا ایسا جگیا گیان پلیتا بُلھا عشق دی بات نیاری پریم والیاں بڑی کراری مُورکھ دی مت ایویں ماری واک سُخن چُپ کیتا ایسا جگیا گیان پلیتا
اوکھے لفظاں دے معنے جگیا۔ روشن ہو گیا گیان۔ علم، معرفت پلیتا۔ دیوے دی بتی، فلیتا تُرک۔ ہندوستان دے لوک دریوں آون والے سب مسلماناں نوں تُرک آکھدے سن ہر۔ رب ہر جیتا۔رب نوں پایا، ایسدا دا مطلب ساری مخلوق وی دسیا گیا ہے نیاری۔ وکھری، عجیب واک۔ بول
