Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> جنگ نامہ- شاہ محمد >> جنگ نامہ: بند 90-81

جنگ نامہ: بند 90-81

شاہ محمد
June 4th, 2008

کنڈھے پار دے جمع جا ہوئے ڈیرے،
ایہہ تاں نوکری گھریں نا مِلن جانے۔
ڈیریں آن کے بہُت وِرلاپ ہویا،
ہوئیاں بھرتیاں بند نا وِکن دانے۔
چھہی کڈھ کے مورچیں آ بہِندے
ڈیریں آ کے پھیر پَرسادِ کھانے۔
شاہ محمدا، سبھ معلوم کِیتی،
کیکُوں ہوئی سی دس خاں لُدھیانے؟ ٨١

سردار رنجودھ سنگھ فوج لَے کے،
طرف لاڈوئے والے دی چلیا ای۔
اوتھے سبھ قبیلے سی قید ہوئے،
کوئی لاٹ فرنگی نے گھلیا ای۔
اُنہاں جائے کھوہیاں بادشاہیاں نی،
اُس دا زور نا کِسے جھلیا ای۔
شاہ محمدا، چھاونی پُھوک دِتی،
وِچوں جیؤ فرنگی دا ہلیا ای۔ ٨٢

چار پڑتلاں لَے میوہ سنگھ آیا،
سنگھ آپنے ہتھ ہتھیار لَیندے۔
ایہناں بہُت فرنگی دی فوج ماری،
لُٹاں بھارِیاں باجھ شُمار لَیندے۔
توپاں، اوٹھ، ہاتھی، مال، لاکھ گھوڑے،
ڈیرے آپنے سنگھ اُتار لَیندے۔
شاہ محمدا، سنگھ جے زور کردے،
بھاویں لدھیانہ تدوں مار لَیندے۔ ٨٣

مُحکم دین سردار نے لِکھی عرضی،
تُساں طرف لُٹے چنگے شان دے جی۔
دے بھیج اُتار سبھ کارخانے،
پائیو گجیو وِچ میدان دے جی۔
تینوں اج حضور تھیں فتح آئی،
خبراں اُڈیاں وِچ جہان دے جی۔
شاہ محمدا، وَیری نوں جان حاضر،
سدا رکھیئے وِچ دھیان دے جی۔ ٨٤

سٹھاں کوہاں دا پندھ سی لدھیانہ،
راتو رات کِیتی ٹُنڈے دَوڑ میاں۔
اوہ وی لُٹیا لاٹ نے آن ڈیرا،
سبھ کھوہ کے کِیتِیاں چوڑ میاں۔
جھلی ابوتبیلے دی پڑتلاں نے،
ادھ گھڑی لڑائی دی سوڑ میاں۔
شاہ محمدا، سنگھ لُٹائے ڈیرے،
کر آئے نی چھٹیاں چوڑ میاں۔ ٨٥

پہلے ہلیوں سنگھ جو نِکل سارے،
پئے اؤجھڑے اؤجھڑے جاؤندے نی۔
لُٹے گئے سارے رہی اِک کُڑتی،
باہاں ہِک دے نال لگاؤندے نی۔
اگوں لوک لڑائی دی گل پُچھن،
جِیبھ ہوٹھاں تھیں کھولہہ دِکھاؤندے نی۔
شاہ محمدا، آن کے گھردیاں توں،
نویں کپڑے ہور سِواؤندے نی۔ ٨٦

کہندے : جِیوندے پھیر نا کدی جانا،
مُنہ نا لگنا اُس چنڈال دے جی۔
کِتے جا کے چار دِن کٹ آئیے،
ڈُھونڈن آؤن گے ساڈے بھی نال دے جی۔
تُساں آکھیا : ماریا لُدھیانے،
اسیں پِھردے ہاں ڈُھونڈدے بھالدے جی۔
شاہ محمدا، رہے ہُشیار اوتھے،
لڑے نہیں اجے ساڈے نال دے جی۔ ٨٧

پِچھے بَیٹھ سرداراں گُرمتا کِیتا :

کوئی عقل دا کرو عِلاج یارو!
چھیڑ بُرچھیاں دی ساڈے پیش آئی،
پگ داڑھیاں دی رکھو لاج یارو۔
مُٹھ میٹی سی ایس پنجاب دی جی،
ایہناں کھولہہ دِتا اج پاج یارو۔
شاہ محمدا، مار کے مرو ایتھے،
کدی راج نا ہو محتاج یارو۔ ٨٨

تیجی وار للکار کے پئے گورے،
پئے وجدے ڈھول تنبُور میاں۔
کس لئیاں نی سِنگھاں نے تُرت کمراں،
قائم جنگ نوں ہوئے ضرور میاں۔
پہلاں باوِیوں آن کے زور دِتا،
پیا دلاں دے وِچ فتُور میاں۔
شاہ محمدا، نس کے جان کِتھے،
ایتھوں شہر لاہور ہے دُور میاں۔ ٨٩

آئیاں پلٹناں بیڑ کے توپخانے،
اگوں سِنگھاں نے پاسے توڑ سُٹے۔
میوہ سنگھ تے ماگھے خاں ہوئے سِدھے،
ہلے تِن فرنگی دے موڑ سُٹے۔
شام سنگھ سردار اٹاری والے،
بنو شاستڈیں جوڑ وِچھوڑ سُٹے۔
شاہ محمدا، سِنگھاں نے گوریاں دے،
وانگ نِمبواں لہو نِچوڑ سُٹے۔ ٩٠

Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels