Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> گلے سڑے پُھلاں دے ناں

گلے سڑے پُھلاں دے ناں

پاش
June 20th, 2008

    اسیں تاں پِنڈاں دے واسی ہاں
    تُسیں شہر دے واسی سڑکاں والے ہو
    تُسیں کاس نوں رینگ رینگ کے چلدے ہو؟
    ساڈا من پرچاوا تاں ہٹی بھٹھی ہے
    تُسیں کلباں سینمے والے
    ساتھوں پہلاں بُڈھے کیکن ہو جاندے ہو
    ساڈی دوڑ تاں کالے مہر دی ہٹی تیک
    یاں تُلسی سود دے ٹونے تک ہے
    تُسیں تاں کہندے چند دیاں گلاں کردے ہو
    تُسیں اساتھوں پہلاں کیوں مر جاندے ہو
    اسیں کالجے کٹ کٹ کے وی سی نہیں کیتی
    تُسیں جو رنگ برنگے جھنڈے چُکی پِھردے
    کھاندے پیندے موت تے چھڑاں چلاوندے ہو
    ایہہ بوہڑی دھاڑیا کیہڑی گل دی کردے ہو
    ویکھیو ہُن
    ایہہ سُکی روٹی گنڈے نال چباون والے
    تُہاڈے شہر دے سڑکاں کمرے نِگل جاون لئی
    آ پہنچے ہن
    ایہہ تُہاڈی ڈائننگ ٹیبل
    تے ٹرالیاں تک نِگل جان گے
    جد ساڈی روٹی تے ڈاکے پیندے سن
    جد ساڈی عزت نوں سنھاں لگدیاں سن
    تاں اسیں تاں ان پڑھ پینڈو مُنہ دے گونگے ساں
    تُہاڈی لکچو، کافی ہاؤس وچ کیہ کردی سی؟
    تُہانوں پڑھیاں لِکھیاں نوں کیہ ہویا سی؟
    اسیں تُہاڈی خواہش دا اُپمان نہیں کردے
    اسیں تُہانوں آدر ست
    سنے تُہاڈے ہوند واد دے
    برچھے دی نوک تے ٹنگ کے
چند اُتے اپڑا دیواں گے
    اسیں تاں ساد مُرادے بندے ہاں
    ساڈے کول اپالو ہے نہ لونا ہے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels