Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> ارتھاں دا اپمان

ارتھاں دا اپمان

پاش
June 20th, 2008

    تُساں نے جان بُجھ کے ارتھاں دا اپمان کیتا ہے
    آوارہ شبداں دا اِلزام
    ہُن کِس کِس نوں دیو گے؟
    مینوں ایہہ رُکھ پُچھدے ہن
    کہ اس سورج نوں کیہ کیہے
    جیہڑا کہ گرم نہ ہووے
    جیہدا رنگ لال نہ ہووے
    میں رُکھاں ول تکدا ہاں
    ہوا دے رنگ گِندا ہاں
    تے رت دا ناپ کردا ہاں
    تے میتھوں پھیر سورج نوں بے دوشا آکھ نہیں ہوندا
    میں سورج واسطے
    گُستاخ شبداں نوں سوئمبر وچ بٹھاوندا ہاں
    تُسیں سمجھو گے
    میں چوٹی تے کھڑ کے کھڈ دے وچ چھال ماری ہے
    اصل گل ہور ہے
    میں تاں کھڈاں دے ارتھ بدلے ہن
    ہوا نوں پینگھ مِنیا ہے
    تے پربت نوں پُڑل دا روپ دِتا ہے
    میں تُساں لئی خودکُشی دے ارتھ بدلے ہن
    میرے ساتھی
    تُساں لئی زندگی دے ارتھ بدلن گے
    تُساں جے مرن لگیاں زندگی نوں جان وی لِتا
    تُہاڈی کون منے گا؟
    تُہانوں کون بخشے گا؟
    جیہناں نے جان بُجھ کے
    ارتھاں دا اپمان کیتا ہے



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels