Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> قاتل

قاتل

پاش
June 20th, 2008

    تے ایہہ وی سِدھ ہو چُکیا ہے کہ
    منوکھی شکل کیول چچمچے ورگی ہی نہیں ہوندی
    سگوں کئی دونویں تلواراں پھڑی لال اکھاں والیاں
    کُجھ مورتیاں وی موم دیاں ہوندیاں نیں
    تے جیہناں نوں کولا جیہا سیک دے کے وی کوئی
    جِس سچے وچ چاہے ڈھال سکدا ہے
    پر غداری دی سزا تاں کیول اِکو ہوندی ہے
    میں روندا نہیں ہاں، کوی ہاں، کِس طرحاں چُپ رہ سکدا ہاں
    میں کد مُکردا ہاں کہ میں قتل نہیں کردا
    میں قاتل ہاں اوہناں دا جو منوکھتا نوں قتل کردے نیں
    حق نوں قتل کردے نیں
    سچ نوں قتل کردے نیں
    دیکھو انجینئرو، ڈاکٹرو، ادھیاپکو
    آپنے اُچڑے ہوئے گوڈیاں ول ویکھو
    جیہڑے کُجھ چِٹیاِں یاں نیِلیاِں دہلیاِں تے
    ٹیکدیاں اُچڑے ہن
    آپنے چہرے ول ویکھو
    جیہڑا کیول اِک ہاڑے دا بِمب ہے
    ہر چھماہی دفتراں وچ روٹی لئی
    گڑ گڑاندا بِمب۔۔۔۔۔۔
    اسیں منگتیاں دی کوئی سُدھری ہوئی قِسم ہاں
    پر پھیر بھی سانوں ہر در توں دُرکار دِتا جاندا ہے
    آپنیاں نظراں نوں آپنیاِں اکھاں نال مِلاؤ
    تے ویکھو ایہہ ٹاکرا کر سکدیاں نیں
    مینوں دیش دھروہی وی کہیا جا سکدا ہے
    پر میں سچ کہندا ہاں ایہہ دیش اجے میرا نہیں ہے
    ایتھوں دے جواناں یاں کِساناں دا نہیں ہے
    ایہہ تاں کیول کُجھ کو(آدمیاں) دا ہے
    تے اسین اجے آدمی نہیں ہاں، بڑے اصیل پشو ہاں
    ساڈے جِسماں وچ جوکاں نہیں سگوں
پالتو مگر مچھاں نے ڈونگھے دند گڈے ہوئے نیں
    اُٹھو آپنے گھر دے دھویوں
    سکھنے چُلھے ول ویکھ کے اُٹھو
    اُٹھو کامیوں تے مزدورو
    طبیلیاں تے لال جھنڈے لہرا کے
    بہن نال کُجھ نہیں سورنا
    اس نوں آپنے لہو دی رنگت دیو
    ہڑتالاں تاں مورچیاں لئی کیول کسرت ہوندیاں ہن
    اُٹھو میرے بچیو، وِدیاتھیو، جوانو اُٹھو
    ویکھو میں اجے وی مریا نہیں ہاں
    وکھری گل ہے کہ مینوں تے میرے اِک بچے نوں
    جو تُہاڈا بھرا سی
    حق دے عِوض وچ، اِک جرنیلی سڑک دے کنارے
    گولیاِں دے اِنعام نال نوزیا گیا ہے
    تُسیں وی ایہہ بڑا(بھاری پُلس مُقابلہ) پڑھیا ہونائے
    تے تُساں ویکھیا ہے کہ سیاسی پارٹیاں
    دوروں دوروں مریل کُتیاں وانگوں
    پل دی پل عدالتی پڑتال لئی بھونکیاِں
    تے ایتھوں دا قانون سکے دا ہے
    جو کیول اگ نال ہی ڈھل سکدا ہے
    بھونکن نال نہیں
    میرے ول ویکھو میں اجے وی جیوندا ہاں
    نہراں وانگوں ودھیئے
    ایہناں مگراں دے دند بھن سُٹیئے
    پرت جایئے
    مُڑ اُٹھیئے ! تے جو ایہناں مچھاں دی راکھی کردا ہے
    حُکمدین لئی
    اس پلپلے چہرے دا مُنہ کُھلن توں پہلاں
    اس وچ بندوق دی نال تُن دیئے
                    


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels