Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> میری ماں دیاِں اکھاں

میری ماں دیاِں اکھاں

پاش
June 20th, 2008

    جد اِک کُڑی نے مینوں کہیا
    میں بہت سوہنا ہاں
    تے مینوں اوس دیاں اکھاں چ نقص جاپیا سی
    میرے بھانے تاں اوہ سوہنے سن
    میرے پِنڈ وچ جو ووٹ پھیری تے
    جاں اُدگھاٹن دی رسم واسطے آوندے سن
    اِک دن
    جٹو دی ہٹی توں مینوں کنسو مِلی
    کہ اوہناں دے سِر دا سُنہری تاج چوری دا ہے
    میں اوس دن پِنڈ چھڈ دِتا
    میرا وشواس سی جے تاجاں والے چور ہن
    تاں فیر سوہنے ہور ہن۔۔۔۔۔۔
    شہراں وچ تھاں تھاں کوجھ ویکھیا
    پرکاشناں وچ، کیفیاں وچ
    دفتراں تے تھانیاں وچ۔۔۔۔۔۔
    اتے میں دیکھیا، ایہہ کوجھ دی ندی
    دِلی دے گول پربت وچوں سِمدی ہے
    تے اوس گول پربت وچ سوراخ کرن لئی
    میں کوجھ وچ وڑیا
    کوجھ سنگ لڑیا
    تے کئی لہو لہان ورھیاں کولوں لنگھیا
    تے ہُن میں چہرے اُتے یُدھ دے نشان لے کے
    دو گھڑی لئی پِنڈ آیا ہاں
    تے اوہو چالیہاں ورھیاں دی کُڑی
    آپنے لعل نوں بد صورت کہندی ہے
    تے مینوں پھیر اُس دیاِں اکھاں چ نقص لگدا ہے
                ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels