Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> خوبصورت پیڈ کندھاں جیل دیاِں

خوبصورت پیڈ کندھاں جیل دیاِں

پاش
June 20th, 2008

    شبداں دی آڑ لے کے، میں جد وی ارتھاں دا دکھانت پروکھا کیتا ہے
    بڑا پچھتایا ہاں
    میں جِس دھرتی تے کھڑ کے
    دھرتی دے سنگیت دی سونہہ کھادی سی
    اُس تے کِنی واری تِلک کے ڈِگیا ہاں
    مینوں رِنڈ مرنڈے رُکھاں دا سراپ لگےا ہے
    اتے میں وار وار سولی تے بہشت نوں
    دو سوکناں سویکار کیتا ہے
    جیہناں نوں اکو پلنگھ تے حاملہ کردے ہوئے
    میری دیہہ نِگھردی جاندی ہے
    پر میرا آکار ہور نِکھردا ہے
    ٹھیک
    میری قلم کوئی گن نہیں ہے
    میں تاں سڑکاں تے تُردا ہویا
    اینا بھر گیا ہاں
    کہ میرے اپاہج جِسم نوں
    چیتا وی نہیں آوندا
    کہ میرا کیہڑا انگ ویتنام وچ
    تے افریقہ دے کِسے مارو تھل وچ
    رہ گیا ہے؟
    میں دِلی دے کِسے قہوہ گھر
    وچ بیٹھا ہاں کہ آندھرا دے کِسے جنگل وچ؟
    وار وار بیتدے ہوئے پلاں سنگ
    میں آپنی ہوند نوں ٹوہندا ہاں
    میریاِں چھ نظماں دی ماں
    پِچھلے ایتوار میرے ہی پرچھاویں نال
    اُدھل گئی ہے
    تے میں آوازاں پھڑن دی کوشش وچ
    کِنا دور نِکل آیا ہاں
    میرے نقش تتھ پتردیاِں
لنگھیاِں تریکاں ہو کے رہ گئے ہن
    واری واری نپولین، چنگیزخان تے سکندر
    میرے وچوں وی لنگھ گئے ہن
    اشوک تے گوتم بیباک تک رہے ہن
    بے پرد پتھر دا سومنات
    جے میں ایورسٹ اُتے کھلو کے ویکھدا ہاں
    تڑیڑیا پیا تاج محل
    پِتل دا ہر مندر
    تے اجنتا کھنڈر کھڈر
    تاں میں سوچدا ہاں
    قُطب دیاِں پنج منزلاں جو باقی ہن
    کیہ خودکُشی لئی کافی ہن
     پر آخر۔۔۔۔۔۔
    مینوں مننا پیندا ہے
    کہ جِس ویلے میں چوپیڑے دے پُتر
    اتے ارسظو دے چیلے نوں
    دُھپ چھڈ کے کھلون لئی کہیا سی
    تے میرے تیڑ کیول جانگھیاِ سی
    تاں ہی میں
    ہُن خوبصورت پیڈ لُوہ دِتے ہن
    تے قلم نوں سنگین لا کے
    جیل دیاں کندھاں تے لِکھنا لوچدا ہاں
    تے ایہہ سِدھ کرن وچ رُجھیا ہاں
    کہ دِس حدے توں پرے وی
    پہاڑ ہوندے ہن
    کھیت ہوندے ہن
    جیہناں دیاِں ڈھلاناں اُتے
    کِرناں وی، قلماں وی
    جُڑ سکدیاِں ہن
                    ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels