Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> اُڈ دیاں بازاں مگر

اُڈ دیاں بازاں مگر

وچار ڈیسک
June 20th, 2008

    اُڈ گئے ہن باز چُنجاں چ لے کے
    ساڈی چین دا اک پل بِتا سکن دی خاہش
    دوستو ہُن چلیا جاوے
    اُڈدیاں بازاں مگر۔۔۔۔۔۔
    اےتھے تاں پتا نہیں کدوں آدھمکن
    لال پگڑیاں والے آلوچک
    تے شروع کر دین
    کوِتا دی داد دینی
    ایس توں پہلاں
    کہ پسر جائے تھانے دی نِت پھیلدی عمارت
    تُہاڈے پِنڈ، تُہاڈے ٹبر تیک
    تے نتھی ہو جائے
    سویمان دا کنبدا ہویا ورقہ
    اوس کِرچ مو نہیں مُنشی دے روزنامچے وچ
    دوستو ہُن چلیا جاوے
    اُڈدے بازاں مگر۔۔۔۔۔۔
    ایہہ تاں ساری عُمر نہیں لتھنا
    بھیناں دے ویاہواں اُتے چُکیا قرضہ
    پیِلیاِں وچ چِھڑکے ہوئے لہو دا
    ہر قطرہ وی اِکٹھا کر کے
    اینا رنگ نہیں بننا
    کہ چِر لواں گے، اِک شانت
    مُسکراؤندے ہوئے جنے دا چہرہ
    اتے ہور
    کیہ زندگی دیاِں پوریاں راتاں وی گِنی چلیئے
    تاریاں دی گِنتی نہیں ہونی
    کیونکہ ہو نہیں سکنا ایہہ سبھ کُجھ
    پھیر دوستو ہُن چلیا جاوے
    اُڈدیاں بازاں مگر۔۔۔۔۔۔
    جے تُسیں مانی ہووے
    گنڈ چ جمدے تتے گُڑ دی مہک
اَتے تکیا ہووے سُہاگی ہوئی
    وتر بھوں دا
    چن دی چاننی چ چمکنا
    تاں تُسیں سبھ ضرور کوئی چاراہ کرو
    ہابڑی ہوئی ووٹ دی اوس پرچی دا
    جو لالاں سٹ رہی ہے
    ساڈیاں کھوہاں دی ہریاول تے۔
    جیہناں نے تکیاِں ہن
    کوٹھیاں تے سُکدیاں سُنہری چھلیاں
    تے نہیں تکے
    منڈی چ سُکدے بھائ
    اوہ کدی نہیں سمجھ سکن گے
    کہ کِویں دُشمنی ہے۔۔۔۔۔۔
    دلی دی اوس حُکمران عورت دی
    اوس پیروں ننگی پِنڈ دی سوہنی کُڑی نال۔
    سُرنگ ورگی زندگی وچ تُردے ہوئے
    جد پرت آوندی ہے
    آپنی آواز مُڑ آپنے ہی پاس
    تے اکھاں چ رڑکدے رہندے
    بُڈھے بلد دے اُچڑے ہوئے کنھ ورگے سُپنے
    جد چمٹ جاوے گلیاِں دا چِکڑ
    عمر دے سبھ توں حسین ورھیاں تے
    تاں کرن نوں بس ایہو بچدا ہے
    کہ چلیا جاوے
    اُڈدیاں بازاں مگر۔۔۔۔۔۔
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels