Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> میں پُچھدا ہاں

میں پُچھدا ہاں

پاش
June 20th, 2008
5 / 5 (1 Votes)

    میں پُچھدا ہاں اسمان چ اُڈدے ہوئے سورج نوں
    کہ وقت ایسے دا ناں ہے
    کہ گھٹناواں کُچلدیاِں تُریاں جان
    مست ہاتھی وانگ
    اِک سمجے منوکھ دی چیتنا؟
    کہ ہر سوال
    کیوں کم چ رُجھے جسم دی غلاطی ہی ہووے

    کیوں سُنا دِتا جاندا ہے ہر واری
    پُرانا چُٹکلا
    کیوں کہیا جاندا ہے اسیں جیوندے ہاں
    ذرا سوچو۔۔۔۔۔۔
    کہ ساڈے چ کِنیاں کو دا ناطہ ہے
    زندگی ورگی کِسے شے نال !
    
    رب دی ایہہ کیہو جیہی رحمت ہے
    جو کنک گڈدے پاٹے ہوئے ہتھاں۔۔۔۔۔۔
    تے منڈی وچلے تحت پوش تے پھیلی ہوئی ماس دی
    اوس پِلپلی ڈھیری اُتے
    اِکو سمے ہوندی ہے
    آخر کیوں ؟
    بلداں دیاِں ٹلیاِں
    تے پانی کڈھدے اِنجناں دے شور اندر
    گھِرے ہوئے چہریاں تے جم گئی ہے
    اِک چیکدی خاموشی

    کون کھاندا ہے تل کے
    ٹوکے تے رُگھ لا ہے
    کُترے ہوئے ارماناں والے ڈولیاں دیاِں مچھیاِں؟
کیوں گڑگڑاندا ہے
    میرے پِنڈ دا کِرسان
    اِک معمولی پُلسیئے اگے؟
    کیوں کِسے دڑرے جارہے بندے دے چیکن نوں
    ہر وار
    کوِتا کہہ دِتا جاندا ہے
    میں پُچھدا ہاں اسماناں چ اُڈدے ہوئے سورج نوں
            ٭٭٭٭٭



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels