Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> ہتھ

ہتھ

پاش
June 20th, 2008

    میں آپنے جسم نوں
    ہتھاں چ سانبھ سکدا ہاں
    میرے ہتھ جد محبوب دا ہتھ منگدے ہن
    پھڑن نوں تاں میں چن وی ہتھاں چ لوچدا ہاں

    میرے ہتھاں نوں پر
    سیِکھاں دی چھوہ بے شِکوہ مُبارک ہے
    نالے کوٹھڑی دے ایس ہنیرے وچ
    میرے ہتھ، ہتھ نہیں ہوندے ۔۔۔۔۔۔
    صرف چپیڑ ہونے ہن۔۔۔۔۔۔

    ہتھ مِلاون تے پابندی سِسکدی رہ جاندی ہے
    جد اچن چیت کوئی ساتھی ساہمنے آوندا ہے
    ہتھ خود بخود
    مُکا بن لے لہراون لگدے ہن۔۔۔۔۔۔

    دِن ہتھ کھِچدا ہے
    تاں رات ہتھ ودھاندی ہے
    کوئی ہتھ کھوہ نہیں سکدا ایہناں ہتھاں دا سِلسلہ
    تے کدی بوہے دے پنجاں دے پنج سریئے
    بن جاندے ہن کوئی بڑے پیارے ہتھ
    اِک ہتھ میرے پِنڈ دے بزرگ تُلسی دا
    جِس دیاِں اُنگلاں
    ورھیاں نوں گُنھ گُنھ کے سی اینیاِں ہمبیاِں
    کہ مینوں پڑھاوندیاں
    اُردو دے مُڈھلے سبق
    بن جاندا سی اوس توں الف دا (ت)

    اِک ہتھ جاگیر درزی دا
    جو جدوں وی مینوں جانگھیاِ سیوں کے دیندا
    تے لیندا سی محنت
    میرے کن مروڑن دی
    تے ایہہ جاندیاں ہویاں وی کہ میں اُلٹ کرنوں
    باز نہیں آوناں
    نصیحت کردا سی۔۔۔۔۔۔
    پشواں نال چھپڑ چ نہ وڑیا کر
    جِنج پلنگا کھیڈنوں ہٹنائیں کہ نہیں

    اِک ہتھ پیارے نائی دا
    جو کنڈے ہوئے میرے وال
    ڈردا رہندا سی میرے سِکھ گھردیاں توں

    اِک مرو دائی دا
    جِس دے ہتھ سی کوئی توا
    جو سدا راگ گاوندا سی
    '' جی جاگ دے پُت''
    دا راگ گاوندا سی

    تے اِک ہتھ درشو دیہاڑیئے دا
    جِس نے پی لئی ادھی صدی
    رکھ کے حُقے دی چِلم وچ۔۔۔۔۔۔

    میتھوں کوئی کھوہ نہیں سکدا
    ایہناں ہتھاں دا سِلسلہ

    ہتھ جیباں چ ہون جاں باہر
    ہتھ کڑی چ ہون جاں بندوق دے کندے تے
    ہتھ ہتھ ہوندے ہن
    تے ہتھاں دا اِک دھرم ہوندا ہے

    ہتھ جے ہون تاں
    جوڑن لئی ہی نہیں ہوندے
نہ دُشمن ساہمنے چُکن نوں ہی ہوندے ہن
    ایہہ گِچیاِں مروڑن لئی وی ہوندے ہن
    ہتھ جے ہون تاں
    ہیر دے ہتھوں چوری پھڑن لئی ہی نہیں ہوندے
    سیدے دی جنیت ڈکن لئی وی ہوندے ہن
    کیدو دیاِں وکھیاِں توڑن لئی وی ہوندے ہن
    ہتھ کرت کرن لئی ہی نہیں ہوندے
    لوٹو ہتھاں نوں توڑن لئی وی ہوندے ہن

    جو ہتھاں دا دھرم بھنگ کردے ہن
    جو ہتھاں دے سوہج دا اپمان کردے ہن
    اوہ پنگلے ہونے ہن
    ہتھ تاں ہوندے ہن سہارا دین لئی
    ہتھ تاں ہوندے ہن ہنگارا دین لئی
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels