Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> اسیں لڑاں گے ساتھی

اسیں لڑاں گے ساتھی

پاش
June 20th, 2008


    اسیں لڑاں گے ساتھی ، اُداس موسم لئی
    اسیں لڑاں گے ساتھی ، غُلام سدھراں لئی
    اسیں چُناں گے ساتھی ، زندگی دے ٹُکڑے

    ہتھوڑا ہُن وی چلدا ہے اُداس آہرن تے
    سیاڑھ ہُن وی وگدے نہیں چیکدی دھرتی تے
    ایہہ کم ساڈا نہیں بندا سوال نچدا ہے
    سوال دے موراں تے چڑھ کے
    اسیں لڑاں گے ساتھی
    قتل ہوئے جذبیاں دی قسم کھا کے
    بجھیاں ہویاں نظراں دی قسم کھا کے
    ہتھاں تے پئے رٹناں دی قسم کھا کے
    اسیں لڑاں گے ساتھی

    اسیں لڑاں گے جد تک
    کہ ویرو بکریاں والا جدوں تک
    بکریاں دا موت پیندا ہے
    کِھڑے ہوئے سرہوں دے پُھلاں نوں
    جدوں تک واہن والے آپ نہیں سُنگھدے
    کہ سُجیاں اکھاں والی
    پِنڈ دی ادھیاپکا دا پتی جدوں تک
    جنگ توں پرت نہیں آوندا
    جدوں تک پُلس دے سپاہی
    آپنے ہی بھراواں دا گلا گُھٹن تے بادھک ہن
    کہ بابو دفتراں والے
    جدوں تک لہو نال حرف پاوندے ہن
    اسیں لڑاں گے جد تک
    دُنیا چ لڑن دی لوڑ باقی ہے
    جدوں بندوق نہ ہوئی اودوں تلوار ہووے گی
    جدوں تلوار نہ ہوئی لڑن دی لگن ہووے گی
لڑن دی جاچ نہ ہوئی لڑن دی لوڑ ہووے گی
    تے اسیں لڑاں گے ساتھی

    اسیں لڑاں گے
    کہ لڑن باجھوں کُجھ وی نہیں مِلدا
    اسیں لڑاں گے
    کہ حالے تک لڑے کیوں نہیں
    اسیں لڑاں گے
    آپنی سزا قبولن لئی
    لڑ کے مر چُکیاں دی یاد زندا رکھن لئی
    اسیں لڑاں گے ساتھی
        ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels