Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> شبد، کلا تے کوِتا

شبد، کلا تے کوِتا

پاش
June 20th, 2008

    تُہانوں شاید خبر نہیں
    اوہناں بیوہ پلاں دے درد دی
    جو پرامیڈاں دی پکڑ چ نہیں آیا
    تُسیں شلا .... لیکھاں دیاں شاہی موہراں نوں ہی
    کوِتا دی کلا کہندے رہے ہو۔۔۔۔۔۔

    شبد جو راجیاں دی گھاٹی چ نچدے ہن
    جو معشوق دی دُھنی دا عطر پھل مندے ہن
    جو میزاں اُتے ٹینس بالاں وانگ رڑھدے ہن
    جو منچاں دی کلر بھوں تے اُگدے ہن۔۔۔
    کوِتا نہیں ہوندے
    تُسیں سمجھیا سی
    شبد ہوا چ اُڈدے پتے پن
    کہ دلی دی نکاسی پکھے
    آپنی بے حیا درگندھت پون سنگ
    لِکھ دین کے سمے دا کاو

    پر شبد نہ تاں ڈردے ہن نہ مردے
    اوہناں لیو گُنھی مِٹی نوں
    کدی خمیر نہیں آون دِتی
    جو دِن دے نھیرے چ ورجت ہوندا ہے
    اوس نوں رات دے چانن چ کر وکھاندے ہن
    ٹیگور جاں غالب دی دھاڑی چ
    شبد کوِتا نہیں ہوندے
    تیلے ہوندے ہن

    جے تُہانوں بوہت مان ہے
    آپنی کلا، آپنے فلسفے تے
    تاں کھولو سُنہری جِلداں والے گرنتھ
    تُہاڈے شیکسپیئر نے
زندگی دے ہاسے چ موت دے لطیفے دا
    کیہ ستھان دسیا ہے؟
    تُہاڈے بیتھوون نے
    ماں بھین دیاں کاہلاں دا کیہ رِدم دسیا ہے؟
    محبوب دی چھاتی دے گیتاں والیاں
    ماں دے دُدھ
    اَتے دُدھ دی لاج دا کیہ گیت لِکھیا ہے؟
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels