Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> گیت

گیت

پاش
June 20th, 2008

    سونے دی سویر جدوں آوُہانیاں
    نچے گا امبر بھومی گاوُہانیاں

    محنتاں دا مُل آپے پاؤنا لوکاں نے
    دھرتی تے سورگ بناؤنا لوکاں نے
    اِکو جِنی خوشی ساریاں دے جین نوں
    بچے گا نہ لوٹو کوئی لہو پین نوں
    سوہا جھنڈا اُچا لہراوُ ہانیاں

    بُھکھا ننگا سَوُ نہ کوئی فُٹ پاتھ تے
    جین دا سامان ہوُ سبھ واسطے
    رولوُ نہ کوئی پیریں سدھراں کواریاں
    دِل تے غریب دے نہ پِھروُ آریاں
    ڈروُ نہ کوئی کِسے نوں ڈراوُ ہانیاں

    بُھکھا کِسے ماں دا نہ جواک روئے گا
    ساریاں دے نال اِنصاف ہوئے گا
    جُگاں دے لتاڑے زندگی چ آون گے
    جنتا دے دوکھی پوری سزا پاون گے
    تکڑا نہ ماڑے نوں ستاوُ ہانیاں

    ویر بھاو اَتے ساڑے مُک جان گے
    مذہباں دے وٹاں بنے ٹُٹ جان گے
    دُنیا تے اِکو ای جمات ہووے گی
    روز ہی دیوالی والی رات ہووے گی
    رج رج کھان گے کماوُ ہانیاں
    سونے دی سویر جدوں آوُ ہانیاں
            ٭٭٭٭٭



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels