Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> میرے دیش

میرے دیش

پاش
June 20th, 2008

اسیں تاں کھپ گئے ہاں
    دھوڑ وچ لتھ پتھ ترکالاں دے ڈِھڈ اندر
    اسیں تاں چھپ گئے ہاں
    پتھے ہوئے گوہے دے اُتے اُکریاں اُنگلاں دے نال
    جمہوریت دے پیراں وچ رُلدے ہوئے میرے دیش!
    ساڈا فِکر نہ کرنا

    پرشن تاں ٹھیک وڈا ہے
    کہ چھیہ ورھیاں دی ایس اوڑ دے سمے
    اسیں دیش بھگت کیوں نہ بنے
    پر مٹی نے کھا لئی ہے
    کئی کروڑ باہواں دی طاقت
    اتے پھلاں نے کھا لئی ہے
    کِساناں دے حصے دی ارجا
    ساڈی انکھ دے رُکھڑے
    جیہناں نے پھیل کے کرنی سی
    تیرے تپدے ہوئے مارو تھلاں تے چھاں
    دفتراں وچ پل رہے سانھاں مرنڈ لئے

    میرے دیش کیہ ہو سکدا سی
    چھیہ سالاں دے ایس نِکے جیہے
    لمے سمے اندر
    جدوں کہ تِن وار دِتی گئی ہووے جباڑے پاڑ کے
    مارو یُدھاں دی نال
    تے ہر دوئے سال چوناں دی ہٹ پاکے
    نچِت کر دِتی جاوے ساڈے وِکن دی شکتی
    میرے دیش کیہ ہو سکدا سی ایہو جیہے ماڑے سمے اندر
    کہ جدوں پِنڈیا تے آؤندا ہے پُھل کِھڑن دا موسم اودوں دی ساڈے ذہن وچوں ریت کِردی ہے۔۔۔۔۔۔

    جمہوریت دے پیراں وچ رولدے ہوئے میرے دیش
سانوں کِنا کو ہو سکدا ہے
    تیرے دُکھاں دا علم؟
    اسیں تاں لبھ رہے ہاں حالے
    پشو تے اِنسان دے وچ فرق
    اسیں جُھگیاں چوں جواں پھڑدے ہوئے
    سینے چ پال رہے ہاں
    اوس سرب شکتی مان دی رحمت
    ساڈے نِت فِکراں دی بھیِڑ وچ
    گواچ گئی ہے
    آدرش ورگی پوِتر چیز
    اسیں تاں اُڈ رہے ہاں نھیریاں وچ
    سُکے ہوئے پتراں وانگ
    اسیں کاہی دے وانگ
    تیریاں موراں دے وچ چُپ چاپ اُگ آئے
    تے لٹ لٹ بلدیاں آکاشاں ہیٹھ
    کوڑا دھواں بن کے پھیل گئے
    تے ہُن جے دھوانکھیا جاوے
    تیرا ویداں دا فلسفہ
    تے اُپدیش رِشیاِں دے
    تاں ساڈا دوش نہیں ہونا۔۔۔۔۔۔

    میرے دیش توں کُجھ وی نہ کر سکیا
    تے ساڈا بیجیا اِتہاس
    کُجھ اوارہ وگ چر چرکے
    تیری ڈھاب دا پیندے رہے پانی

    ہُن جدوں تیرے بارے سوچیئے میرے دیش
    تاں کُجھ ایس طرحاں لگ دا اے
    جیویں توں ساؤ دھی ہوویں
    کِسے بے شرم ویلی دی
    تے ساڈے نال تیرا اس طرحاں جاپدا اے رِشتہ
    جیویں اکھاں ہی اکھاں چ محبت مر جائے کوئی
یہہ پر جِس دے نصیبے چ نہ ہووے حرف مِلنی دا
ۤ
    اسیں تاں کھپ گئے ہاں
    دھوڑ وچ لتھ پتھ ترکالاں دے ڈِھڈ اندر
    اسیں تاں چھپ گئے ہاں
    پتھے ہوئے گوہے دے اُتے اکریاں اُنگلاں دے نال
    جمہویت دے پیراں دے وچ رُلدے ہوئے میرے دیش!
    ساڈا فِکر نہ کر
            ٭٭٭٭٭




Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels