تیرے تے میرے وِچالے سنسر ہوون والا کُجھ وی نہیں بھاویں پر تیرا خط جدوں تڑفے گا جہالت دی تلی اُتے بڑے ہوون گے ارتھاں دے انرتھ۔۔۔۔۔۔
تیری رب تے نہچا دے ارتھ پُلسیاِ کُجھ ہور کڈھے گا تیرے چراں توں نہ مِلن دے شکوے نوں اوہ سمجھے گا ڈِھلے پے رہے انوشاسن لئی افسوس تے اوہناں حسین گھڑیاں دے اُداس ذکر نوں جو غرق گئیاں اشونی کُمار دے گھوڑے دے پِچھے اُڈدیاِں دھوڑاں چ اوس اُداس ذِکر نوں شہید ہوئے ساتھیاِں دی یاد وچ ورلاپ سمجھے گا
تیرے مہنگائی دے رونے نوں اِنقلابیاِں دی بدلی ہوئی نیتی دا سنکیت جانے گا تے بنگلہ دیش وچ مارے گئے تیرے فوجی ویرے دا مسوس چین دی پِٹھ پورنی گردانیا جاوے گا تینوں کیہ پتا ہے، کِنج بیتے گی جدوں ہوون گے ارتھاں دے انرتھ تیرا خط بُ۔۔۔۔۔۔ہ۔۔۔۔۔۔ت. تڑفے گا جہالت دی تلی اُتے ٭٭٭٭٭
