Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> جِتھے کوِتا ختم ہوندی ہے

جِتھے کوِتا ختم ہوندی ہے

پاش
June 20th, 2008

( آپنے پِنڈ دے اَن پڑھ مُنڈیاں دے ناں)
    ٹپو ٹپو دی عمرے
    جو ہل مگر پِھر پِھر کے
    تُسیں کُھچاں دا دھندا سار لیندے ہو
    تے کُولے سُفنیاں نوں
    مُشکے ہوئے کُڑتے دے نال
    واڑ تے ٹنگ چھڈ دے ہو
    کون لا سکدا اے تُہاڈی جیبھ نوں تالا
    تُسیں تاں چنگھاڑو گے دارو دی گُھٹ پی کے
    تُسیں لنگیج کڈھ دیو گے شبدا چوں
    تُسیں جا ٹپکو گے راجے رانی دی کہانی وچ
    پُھلاں دے بھار تُلدی اوس راجے دی بیٹی نوں
    ڈانگ اگے لا کے بِکن لئی
    جو جو ہونیاں نال گُھلن دیاں رکھدی ہے شرطاں
    کیول چار بھوانٹنیاِں دے بدلے۔۔۔۔۔۔

    میرے دو ستو کیہ دساں
    بڑا پُرانا ہے سوالاں دا درخت
    تے ایس دے پتیاں نال لاڈ کردی رہی ہے
    سیاست دی ہوا
    تے باقی سبھ کُجھ چھڈ دِتا گیا ہے
    کہیاِں، کُہاڑے والیاں دی عقل اُتے۔۔۔۔۔۔

    اُنج تاں اِک سوال ایہہ وی ہے
    کہ سُفنیاں دے اُڈ رہے راکٹ دے
    کیوں نال نال تردی ہے مسراں دی دا؟
    تے ایہہ وی کہ
    کیوں اُبھر آوندا ہے سپن دیش دے سمے
    پروں مر گئی کٹی دا بنب؟
    معاف کرنا میرے پِنڈ دے یارو
کوِتا لکھن والا ایہہ پڑھاکو مُنڈا
    تُہاڈے مسئلیاں نوں حل نہیں کر سکدا
    پنج واری جیل کٹ آونا
    جاں دور شہراں دیاِں سٹیجاں اُتے
    پُلس کولوں کھاہدے ہوئے ڈنڈیاں دا ذکر کرنا
    تُہاڈی سڑ رہی دُنیا لئی
    کسے سُکے ہوئے چھپڑ دے وانگ ہے

    کوِتا تُہاڈے لئی
    ورودھی پارٹی دے بنچاں ورگی ہے
    جو سدا اگ اگ دا شور پاوندے ہن
    اَتے اگ نال کھیڈن دی مناہی نوں
    ہمیشہ سِر جُھکاوندے ہن
    معاف کرنا میرے پِنڈ دے یارو
    میری کوِتا تُہاڈے مسئلیاں نوں حل نہیں کر سکدی

    مسئلیاں دا متا میرے دوستو کُجھ ایس طرحاں ہوندا اے
    کہ کوِتا اکاہی ناکافی ہوندی ہے
    تے تُسیں بڑی دور نِکل جاندے ہو۔۔۔۔۔۔
    تِکھیاں چیزاں دی بھال وچ
    مسئلیاں دا متا کُجھ ایداں دا ہوندا ہے
    کہ تُہاڈا صبر تھپڑ مار دیندا ہے
    تُہاڈے کائر مونہہ اُتے
    اتے تُسیں اوس جگہ توں شُروع کردے ہو
    جِتھے کوِتا ختم ہوندی ہے۔۔۔۔۔۔
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels