Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> پرتی بدھتا

پرتی بدھتا

پاش
June 20th, 2008

    اسیں ایویں مُچی دا کُجھ نہیں چاہوندے
    جِس طرحاں ساڈے ڈولیاں وچ کھلیاںہن
    جِس طرحاں بلدا دی پِٹھ تے اُبھریاِں
    پرانیاں دیاِں لاساں ہن
    جِس طرحاں قرضے دے کاغذاں وچ
    ساڈا سمیا تے سُنگڑیا بھوِکھ ہے
    اسیں زندگی، برا بری جاں کُجھ وی ہور
    ایسے طرحاں سچی مُچی دا چاہوندے ہاں
    جِس طرحاں سورج ہو تے بدل
    گھراں تے کھیتاں وچ ساڈے انگ انگ رہندے ہن
    اسیں اوسے طرحاں
    حکومتاں، وِشواساں تے خوشیاِں نوں
    آپنے نال نال تکنا چاہوندے ہاں
    ڈاڈھیو، اسیں سارا کُجھ سچی مُچی دا ویکھنا چاہوندے ہاں

    اسیں اوس طرحاں دا کُجھ وی نہیں چاہوندے
    جیویں شراب دے مُقدمے چ
    کِسے ٹاؤٹ دی گواہی ہوندی ہے
    جیویں پٹواری دا (ایمان) ہوندا ہے
    جاں جیویں آڑھتی دی قسم ہوندی ہے۔۔۔۔۔۔
    اسیں چاہوندے ہاں آپنی تلی تے کوئی ایس طرحاں دا سچ
    جیویں گُڑ دی پت چ(کن) ہوندا ہے
    جیویں حُقے چ (نیکوٹین) ہوندی ہے
    جیویں مِلنی سمے محبوب دے ہوٹھاں تے
    کوئی ملائی ورگی چیز ہوندی ہے

    اسیں نہیں چاہوندے
    پُلس دیاں لاٹھیاں تے ٹنگیاِں کتاباں نوں پڑھنا
    اسیں نہیں چاہوندے
    ہُنر دا گیت، فوجی بوٹاں دیاِں ٹاپاں تے گاونا
اسیں تاں رُکھاں اتے چھٹکدے سنگیت نوں
    سدھرائے ہوئے پوٹیاں دے نال چھوہ کے ویکھنا چاہوندے ہاں

    اتھرو گیس دے دھوئیں چ لون چٹنا
    جاں آپنی جیبھ اُتے آپنے ہی لہو دا سواد چکھنا
    کسے لئے دی منورنجن نہیں ہو سکدا
    پر
    اسیں ایویں مُچی دا کُجھ وی نہیں چاہوندے
    تے اسیں سارا کُجھ سچی مُچی دا ویکھنا چاہوندے ہاں
    زندگی، سماج واد جاں کُجھ وی ہور۔۔۔۔۔۔
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels