Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> یُدھ تے شانتی

یُدھ تے شانتی

پاش
July 2nd, 2008

    اسیں جیہناں نے یُدھ نہیں کیتا
    تیرے ساؤ پُتر نہیں ہاں زندگی
    اُنج اسیں سدا ساؤ بننا لوچدے رہے
    اسیں دو روٹیاں تے ماڑی جیہی رضائی بدلے
    یُدھ دے آکار نوں سُنگیڑنا چاہیا
    اسیں بے انکھی دیاں تنداںچ امن ورگا کُجھ اُندے رہے
    اسیں برچھی دے وانگ ہڈاں وچ کُبھے ہوئے سالاں نوں عمر کہندے رہے
    جد ہر گھڑی کِسے بِپھرے شریک وانگ سِر تے گُڑھکدی رہی
    اسیں صندوق وچ لُک لُک کے یُدھ نوں ٹالدے رہے

    یُدھ توں بچن دی لالسا چ بہت نِکے ہو گئے اسیں
    کدے تاں ہمبے ہوئے پیو نوں اَنّ کھانے بُڑھے دا ناں دِتا
    کدے فِکراں گرسی تیویں نوں چڑیل دا سایہ کہیا
    سدا دِسحدے تے نیلامی دے درش تر دے رہے
    تے اسیں سُبک جیہیاں دھیاں دیاں اکھاں چ اکھ پاؤنوں ڈردے
    یُدھ ساڈے سِراں تے آکاش وانگ چھایا رہیا
    اسیں دھرتی چ پٹے بھوراں نوں مورچے وچ بدلنوں جھکدے رہے

    ڈر کدے ساڈے ہتھاں تے وگار بن کے اُگ آیا
    ڈر کدے ساڈے سِراں اُتے پگ بن کے سج گیا
    ڈر کدے ساڈے مناں اندر سورج بن کے مہکیا
    ڈر کدے روحاں چ سجنائی بن گیا
    کدے بُلھاں تے چُغلی بن کے بُڑ بُڑایا
    اسیں اے زندگی، جیہناں یُدھ نہیں کیتا
    تیرے بڑے مکار پُتر ہاں

    یُدھ توں بچنے دی لالسا نے
    سانوں لتاڑ دِتا ہے گھوڑیاں دے سنباں ہیٹھ
    اسیں جِس شانتی لئی رینگدے رہے
    اوہ شانتی بگھیاڑاں دے جباڑیاں وچ
سواد بن کے ٹپکدی رہی
    شانتی کِتے نہیں ہوندی ہے
    روحاں چ لُکے گِدڑاں دا ہوانکنا ہی سبھ کُجھ ہے
    شانتی۔۔۔۔۔۔
    گوڈیاں وچ دھون دے کے زندگی نوں سُفنے وچ ویکھن دا یتن ہے
    شانتی اُنج کُجھ نہیں ہے
    گُپت واس ساتھی توں اکھ بچاون لئی
    سڑک کنڈلے نالے وچ نیوں جانا ہی سبھ کُجھ ہے
    شانتی کِتی نہیں ہوندی ہے
    نعریاں دی گرج توں گھبرا کے
    آپنی چیک چوں سنگیت دے انشاں نوں لبھنا ہی سبھ کُجھ ہے
    ہور شانتی کِتے نہیں ہوندی

    تیل گھاٹے سڑدیاں فصلاں
    بنک دیاں مِسلاں دے جال اندر پھڑ پھڑاوندے پِنڈ
    تے شانتی لئی پھیلیاں باہاں
    ساڈے یُگ دا سبھ توں کمینہ چُٹکلا ہے

    شانتی وینی چ کُھبی ونگ دا ہنجو دے جیڈا زخم ہے
    شانتی ڈھوئے ہوئے پھاٹک دے پِچھے
    مچھریاِں حویلیاِں دا ہاسا ہے
    شانتی ستھاں چ رُلدیاِں داڑھیاِں دا ہوکا ہے
    ہور شانتی کُجھ نہیں ہے
    شانتی دُکھاں تے سُکھاں وچ بنی سرحد اُتلے سنتری دی رفل ہے
    شانتی چگلے ہوئے وِدواناں دے مونہاں چوں ڈِگدی رال ہے
    شانتی پرسکار لیندے کوِیاں دیاِں ودھیاِں ہوئیاِں باہاں دا ٹُنڈ ہے
    شانتی وزیراں دے پہنے ہوئے کھدر دی چمک ہے
    شانتی ہور کُجھ نہیں ہے
    جاں شانتی گاندھی دا جانگھیا ہے
    جِس دیاِں تنیاِں نوں جالیہہ کروڑ بندے پھاہے لاون خاطر
    ورتیا جا سکدا ہے
شانتی منگن دا ارتھ ہے

    یُدھ نوں ذلیِلتا دے پدھر تے لڑنا ہے
    شانتی کِتے نہیں ہوندی ہے

    یُدھ توں بِنا اسیں بہت کلے ہاں
    آپنے ہی موہرے دوڑدے ہوئے ہف رہے ہاں
    یُدھ توں بِنا بہت سیمت ہاں اسیں
    بس ہتھ بھر چ مُک جاندے ہاں
    یُدھ توں بِنا اسیں دوست نہیں ہاں
    جوٹھے جوٹھے جزبیاں دا کھٹیا کھاوندے ہاں

    یُدھ عشق دی سِکھر دا ناں ہے
    یُدھ لہو دے لاڈ دا ناں ہے
    یُدھ جین دے نِگھ دا ناں ہے
    یُدھ کومل حسرتاں دی مالکی دا ناں
    یُدھ امن دے شُروع دا ناں ہے
    یُدھ وچ روٹی دے حُسن نوں
    نُہارن جیہی سُوکھمتا ہے
    دُدھ وچ شراب نوں سُنگھن جیہا احساس ہے

    یُدھ اِک یاری لئی ودھیا ہتھ ہے
    یُدھ کِسے محبوب لئی اکھاں چ لِکھیا خط ہے
    یُدھ کُچھڑ چائے ہوئے بچے دیاِں
    ماں دے دُدھ تے ٹِکیاِں معصوم اُنگلاں ہن
    یُدھ کِسے کُڑی دی پہلی
    ہاں دے ورگی(نہ) ہے
    یُدھ آپنے آپ نوں موہ بِجھیا سنبودھن ہے

    یُدھ ساڈے بچیاں لئی
    پُڑیاں والی کِھدو بن کے آئے گا
    یُدھ ساڈیاں بھیناں لئی
کڈھائی دے سُندر نمونے لیائے گا
    یُدھ ساڈیاں بیویاِں دے تھناں اندر
    دُدھ بن کے اُترے گا
    یُدھ بُڈھی ماں لئی نِگاہ دی عینک بنے گا
    یُدھ ساڈیاں وڈیاں دیاِں قبراں اُتے
    پُھل بن کے کِھڑے گا

    وقت بڑا چِر
    کِسے بے قابو گھوڑے ورگا رہیا ہے
    جو سانوں گھسیِٹدا ہویا زندگی توں بہت دور لے گیا ہے
    کُجھ نہیں بس یُدھ ہی ایس گھوڑے دی لگام بن سکے گا
    بس یُدھ ہی ایس گھوڑے دی لگام بن سکے گا
            ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels