Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> انکار - پاش >> تیِسرا مہاں یُدھ

تیِسرا مہاں یُدھ

پاش
July 2nd, 2008

    کچہریاِں دے باہر کھڑے
    بُڈھے کرسان دیاِں اکھاں چ موتیا اُتر اآئے گا
    شام تک ہو جائے گی دھولی
    روزگار دفتر دے ویڑھے چ انب دی ککی لوئی
    بہت چھیتی بُھل جائے گا پُرانے ڈھابے دا نواں نوکر
    آپنی ماں دے سدا ہی دُھت میلے رہن والے
    پونے دی مِٹھی مہک
    ڈھونڈدا رہے گا کنڈھے سڑک دے اوہ نمو جھونا جوتشی
    آپنے ہی ہتھ توں مٹی ہوئی بھاگ دی ریکھا
    تے پنشن لین آئے کار تھلے کُچلے گئے
    پُرانے فوجی دی ٹُٹی ہوئی سائیکل
    تیِسرا مہاں یُدھ لڑن لئی سوچے گی

    تیِسرا مہاں یُدھ
    جو نہیں لڑیا جائے گا
    جرمنی تے بھاڑے دیاِں فوجاں وچالے
    تیِسرا مہاں یُدھ ہکاں چ کُھر رہی
    جین دی بادشاہت لڑے گا
    تیِسرا مہاں یُدھ گوہے نال لِپے
    کوٹھیاں دی سادگی لڑوُ
    تیِسرا مہاں یُدھ
    جھگے توں دُھپ نہ سکن والے
    بروزے دے چِھٹے لڑن گے
    تیِسرا مہاں یُدھ
    موت دے پُھمبھے چ لِپٹی وڈھی گئی اُنگل لڑے گی

    بنے سنورے ظُلم دے چہرے اُتے لِشکدی
    نزاکت دے خِلاف
    دھرتی نوں قید کرنا چاہوندے چابی دے چھلے خِلاف
    تیِسرا مہاں یُدھ
کدی وی نہ کُھلن والی مُٹھ دے خِلاف لڑیا جائے گا
    تیِسرا مہاں یُدھ کولیِاں شاماں دے پِنڈے تے ریِنگن والے
    بھچر جیہے کنڈیرنے دے خِلاف لڑیا جائے گا
    تیِسرا مہاں یُدھ
    اوس سہم دے خِلاف لڑیا جائے گا
    جیہدا عکس میری دندیاِں کڈھدی دھی دیاِں اکھاں چ ہے

    تیِسرا مہاں یُدھ
    کِسے خستہ جیہے کھیِسے چ مچکوڑے گئے
    نِکے جیہے سنسار لئی جائے گا لڑیا
        ٭٭٭٭٭


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels